Елімізде 3 298 мектеп пен 4 214 балабақшада лицензияланған күзет қызметі жоқ. Бұл туралы ІІМ Күзет қызметін бақылау департаменті басқармасы бастығының орынбасары Серік Құспанов мәлімдеді.
Министрлікте өткен брифингте журналистер Серік Құспановтан еліміздегі қанша білім беру ұйымы лицензияланған күзет жүйесімен қамтылғанын сұрады.
«2023 жылдың 1 қаңтарындағы мәлімет бойынша тиісті лицензиясы бар күзет ұйымдары 3 404 мектеп пен 1 371 балабақшаны күзетеді. Оның ішінде дабыл жүйесі арқылы жедел әрекет ететін мобильді топтар арқылы 2 050-ге жуық мектеп пен 790 балабақша күзетіледі. Қалған объектілер физикалық күзетпен қамтылған», — деп жауап Серік Құспанов.
Оның айтуынша, елімізде 6 702 мектеп пен 5 585 балабақша бар.
Сондай-ақ ол Қазақстандағы тағы 3 298 мектеп пен 4 214 балабақшада лицензияланған күзет қызметі жоқ екенін атап өтті.
