Қазақстан Республикасының Қаржылық мониторинг агенттігі, Оқу-ағарту министрлігінің және «Дарын» республикалық ғылыми-практикалық орталығының қолдауымен «Тұран» университеті, «Қазтұтынуодағы» Қарағанды университеті және М.С. Нәрікбаев атындағы KAZGUU университеттері бірлесіп «Қаржылық қауіпсіздік бойынша республикалық олимпиада» өткізеді.
Олимпиада қаржылық, экономикалық және ақпараттық қауіпсіздік негіздерін меңгерген қаржылық сауатты жастардың жаңа буынын қалыптастыруға ықпал етуге бағытталған. Оған еліміздегі қазақ/орыс тілінде жалпы білім беру ұйымдарының 10-11 сынып оқушылары қатыса алады. Олимпиадаға қатысуға ниет білдірушілер 15 ақпаннан 15 наурызға дейін тіркелуі қажет.
Олимпиада екі кезеңнен тұрады:
1-кезең онлайн-тестілеу форматында;
2-кезең офлайн түрде өтеді.
Тіркелу және олимпиада туралы ақпаратты «Тұран» университетінің сайтынан алуға болады.
