Әлеуметтік желіде үш ұлы бар қарияның қарттар үйіне қоныс аударғаны түсіп қалған видео тарады. ҚР Парламенті Мәжілісінің VII шақырылым депутаты Қазыбек Иса осыған қатысты пікір білдірді.
Экс-депутат әкесін қарттар үйіне өткізіп отырған үш ұл мектепті орысша оқығаны анық деп санайды.
«Әкесін Қарттар үйіне өткізіп отырған үш ұлы да мектепті орысша оқығаны анық! Өйткені 15-20 жыл бұрын менің тапсырмаммен «Қазақ үні» газеті журналистері Алматыдағы Қарттар үйіне сауалнама жасағанда, Қарттар үйіндегілердің 97 пайызы орыс мектептерінде оқыған болып шықты…Қарттар үйіне кетіп бара жатқан бұл қарияның Қарағандыдағы тергеуші, Абай қаласындағы прокурор, Алматыдағы заңгер ұлдарының аты-жөндерін анықтау керек! Ол үшін осы видеоны барынша таратайық!
Үш ұлына олардың балалары да қарттар үйінен орын дайындап қойған болар. Өйткені, әке-шешеңе не істесең, алдыңа сол келеді! «Әкең жынды болса, байлап бақ» деген дана қазақ», — деп жаздыҚазыбек Иса өзінің facebook парақшасында.
