21.02.2024

Білікті ұстаздар қатесі бар оқулықтармен сабақ өткізбейді — Жұлдыз Сүлейменова

Парламент Мәжілісінің экс-депутаты Жұлдыз Сүлейменова 4 жыл университетте жақсы оқыған білікті ұстаздардың жас легі келе жатқанын айтты.

 «Педагог мәртебесі туралы» заңның арқасында мұғалімдердің айлығы екі есеге көтерілді. 1 қаңтардан бастап тағы 25 пайызға көтеріліп жатыр. Қазіргі таңда білім нарығында, еңбек нарығында мұғалім мамандығына деген сұраныс артты. Себебі еңбек нарығындағы айлықтың деңгейі бүгінгі бәсекеге қабілетті болды. Айлық көтерілгеннен кейін соған сай білімнің сапасын көтеруге байланысты мұғалімнен сұрау сұралуы қажет. Бұл ретте біліктілікті арттыру курстары арқылы мұғалімдердің шеберліктеріне қойылатын және мұғалім мамандығына баратындарға талап күшейтілді. Бұрын мектепті жақсы бітірген бала мұғалім мамандығын таңдамайтын. Квота арқылы мұғалім мамандығына түскен, сол жерде үздік оқыған студент немесе түлек мектепке бармайтын. Өйткені айлық өте төмен. Сонымен қатар әлеуметтік кепілдемелері жоқ мамандық болғандықтан, үлкен ваккум қалыптасып қалды. 2019 жылдан бастап реформалар өзінің жақсы нәтижелерін берді. 2021 жылдан бастап мұғалім мамандығына ҰБТ-да қойылатын шекті ұпай 85 балға көтерілді. Былтыр мұғалім мамандығына өткен ең төменгі бал 103 балл болды. Біз 4 жылдан кейін мектепті жақсы оқыған, сонымен қатар мұғалім мамандығын жүрегімен сезініп түскен, 4 жыл университетте жақсы оқыған білікті ұстаздардың жас легі келе жатқанын көріп отырмыз. Ұстаздарға үміт артамын. Ол ұстаздар қатесі бар оқулықтармен сабақ өткізбейтіні айдан анық. Бүгінгі 40 минуттың мазмұнын басқаша береді. Олардың педагогикалық жұмысты шығармашылық жұмысқа арнайтынына сенім білдіремін. Бұл үлкен реформа болды. PISА халықаралық тестісі бойынша 4-5 өңір оқу сауаттылығы, математикалық сауаттылық, ғылыми жаратылыстану сабақтарынан төмен шекті балл алып отырды. Соған байланысты былтыр Оқу-ағарту министрлігі сол жерлерге іріктеу арқылы жақсы мұғалімдер десантын жолдауға қатысты жоба бастады. Бұл жоба эксперименттік жоба ретінде жүзеге асырылғандықтан, оның нәтижесін әлі де қарастыру қажет. Дегенмен соңғы 2-3 жылда Қазақстанда білімге бет бұрған, білімнің культін жасақтауға қатысқан ірі реформалар жүзеге асты»,- деп атап өтті экс-депутат.

-ЖАРНАМА-

Пікір қалдырыңыз

Please enter your comment!
Please enter your name here

- ЖАРНАМА -

СОҢҒЫ ЖАЗБА

Жайлы мектептер білім ошағына аса мұқтаж өңірлерде салынуы тиіс – Олжас Бектенов

Жайлы мектептер оқушыларға ыңғайлы әрі білім беру деңгейі жоғары болуы тиіс. Бұл туралы Үкімет отырысында Премьер-Министр Олжас Бектенов айтты. «Жайлы мектеп» ұлттық жобасының елімізге керекті,...

Соңғы жылдары білім саласына салынған инвестиция 6 есе өсті

Соңғы жылдары білім саласына салынған инвестиция 6 есе өсті. Бұл туралы бүгін Үкімет отырысында «Жайлы мектеп» ұлттық жобасының іске асырылу барысын талқылау кезінде Премьер-Министрдің...

«Жайлы мектеп»: Павлодарда жаңадан 5 білім ұясы салынады

Екі мектеп биыл пайдалануға берілсе, өзгесі келер жылдың еншісінде қалдырылды. Жаңа ғимараттар тапшылық қалыптасқан аудандарда салынады. «Samruk-Kazyna Construction» АҚ Павлодар облысы әкімдігімен «Жайлы мектеп» ұлттық...

«Болашақ» бағдарламасына өзгерістер енгізіледі

Қазақстанда «Болашақ» халықаралық бағдарламасын дамытудың жаңа стратегиясы әзірленіп жатыр. Бұл туралы Ғылым және жоғары білім министрі Саясат Нұрбек мәлім етті. «Қазір алдағы үш жылға арналған...

Былтыр бір ғана Түркістан облысының білім саласында миллиардтаған ақша жымқырылған

Өткен жылдың басынан бері білім саласында 192 сыбайлас жемқорлық қылмысы тіркелді. Олар бойынша залал 13 млрд теңгеден асты. Ең ірі жымқыру Түркістан, Жетісу, Алматы, Қызылорда, Ақтөбе...