Түркия еліндегі «Turkiye Burslari» бағдарламасымен оқуға қалай түсуге болады?

Түркия стипендиялары – бұл тек қаржылай қолдау көрсететін мүмкіндік қана емес, сонымен қатар студенттерге жоспарланған бағдарлама бойынша университетке түсуге көмектесетін стипендиялық бағдарлама. Бұл мүмкіндік әлемдегі басқа стипендиялық бағдарламалардан ерекшеленеді. Осы бағдарламамен оқуға түскен білім алушылар үшін Түркияда бірқатар жеңілдіктер, атап айтсақ, әлеуметтік, мәдени және академиялық мектептен тыс бағдарламалар сияқты артықшылықтар қарастырылған.

«Turkiye Burslari» стипендиялық бағдарламасының талаптарын тізіп шығайық:

• Бакалавриатқа түсетіндер үшін академиялық үлгерімі 70% және одан жоғары болуы қажет;
• Магистратура және докторантураға түсетіндер үшін академиялық үлгерім 75% және одан жоғары болуы керек;
• Денсаулық (медицина, стоматология және фармация) саласына түсетіндер үшін оқу үлгерімі 90% және одан жоғары болуы шарт.

Жас бойынша:

• Бакалавриатқа: 21 жасқа дейінгі;
• Магистратураға: 30 жасқа дейінгі;
• Докторантураға: 35 жасқа дейінгі білім алушылар қабылданады.

«Turkiye Burslari» стипендиялық бағдарламасы бойынша қандай құжаттар тапсыру қажет?

• Жеке басын куәландыратын құжат немесе төлқұжат;
• Үміткердің соңғы фотосуреті;
• Ұлттық емтихандардың нәтижелері (халықаралық біліктілік немесе сертификаттары болмаса);
• Оқуды аяқтағаны туралы диплом немесе уақытша анықтама;
• Халықаралық емтихандардың нәтижелері (университеттің немесе бағдарламаның талаптарына байланысты GRE, GMAT, DELF, YDS, YÖS);
• Тіл білу тестісінің ұпайы (бағдарламаға немесе университетке байланысты);
• Зерттеу ұсынысы және жазбаша жұмысыңыздың мысалы (тек PhD докторы үшін).

Бағдарлама қамтитын шығындар:

• Тегін білім алу;
• Ай сайынғы шәкіртақы: бакалаврлар — 1000 TL (шамамен 24600 тг), магистранттар — 1400 TL (шамамен 34500 тг), докторанттар 1800 TL (шамамен 44300 тг);
• Елге үйге қайтқандағы бір реттік жол билетінің ақысы;
• Медициналық сақтандыру;
• Тегін жатын орын;
• Тегін бір жылдық түрік тілі курсы.

Тіркелу үшін: https://tbbs.turkiyeburslari.gov.tr/auth/register

Құжаттарды қабылдау мерзімі: 20.02.2023 жылға дейін.