Бұл туралы «Ұлыссұхбатта» Парламент Мәжілісінің экс-депутаты Жұлдыз Сүлейменова айтты.
«Бөлініп жатқан миллиардтаған ақшаның есебін беретін күн жетті деп ойлаймын. Мұны айту керек, көрсету керек. Өйткені республикалық бюджеттен бөлінген қаражат бірінші қалың қазақтың баласының қамына жұмсалуы керек. Екінші балалардың алдында білім беріп жүрген ұстаздарымызға еңбегін ақтайтындай қаражат бөлінуі Қажет. Бүгінгі таңда оның екеуі де НЗМ-де орындалып Жүрген жоқ. Үкімет тарапынан зияткерлік мектептердегі қандай да бір проблема қоғамда көтерілсе, маған қандай да бір хат жазса, мен міндетті түрде Үкіметке жолдаймын. Бүгінгі таңда аталған білім беру ұйымы – дербес ұйым. Ол Оқу-ағарту министрлігіне бағынбайды, заңмен мәртебесі бекітілген. Сол статустың аясында ешкім тексеруге, сын-пікір айтуға хақысы жоқ. Сондықтан да менің ойымша, бұл – мемлекеттік мекеме ғой. Мемлекеттің ішіндегі қаражатқа қызмет етіп отырған білім беру ұйымы болғандықтан, бұл үйдің ішінен үй тікпеуі қажет. Орталық аппаратында төрт ұйым бар: білім беру бағдарламалар орталығы, педагогикалық шеберлік орталығы, педагогикалық өлшемдер орталығы, IT саласына қатысты ресурстық ортылығы. Бұның барлығы қазіргі таңда Оқу-ағарту министрлігіне қарасты ведомстволық ұйымдардың қызметін қайталайды. Сондықтан қайталап отырған қызметке қайтадан қаражат бөлудің қажеттілігі қанша? Бұл қаражат қаншалықты қисынды бөлініп жатыр? Менің ойымша, халықтың алдында есеп берілуі керек, тексеру қажет. Жұмсалған қаржының шын мәнідегі заңнамалық сараптамалық материалы қай жаққа кетіп жатыр? Содан кейін Парламентке,Үкіметке шақырылып, шешім қабылдансын», — деп пікір білдірді Жұлдыз Сүлейменова.
