Алматы қаласы өңірлік коммуникациялар қызметінде «Ерекше білім беруді қажет ететін балаларға арналған жаңа оқулықтар кешені» атты тақырыпта брифинг өтті.
Онда ерекше білім беруді қажет ететін балаларға арналған оқулықтардың мазмұндылығын ашып айту, арнайы білім беру үшін педагог кадрлар даярлау, білім беру қызметтерінің сапасын қорытындылау мәселелері қозғалды.
Арнайы және инклюзивті білім беруді дамытудың ұлттық-ғылыми-практикалық орталығы ғылыми-әдістемелік бөлімінің мамандары Брайль оқулықтары бойынша 14, нашар естейтін балаларға арналған 14 оқулық және зиятында жеңіл түрдегі бұзылыстары бар білім алушыларға арналған 8 оқу-әдістемелік кешендерді әзірлеуде.
Қазіргі уақытта Қазақстан Республикасында 465 арнайы білім беру ұйымы жұмыс істейді. Оның ішінде облыстар мен қалалар бойынша арнайы мектепке дейінгі ұйымдардың саны – 44, арнайы мектеп ұйымдары – 99, психологиялық-педагогикалық түзеу кабинеттері – 208, психологиялық медициналық педагогикалық кеңес орталықтары – 92, оңалту орталықтары – 13, autism орталығы – 9.
