Қазіргі уақытта жалпы білім беретін мектептердің асханаларында қолма-қол ақшасыз есеп айырысудың карточкалық жүйесін енгізу бойынша жұмыс жүргізілуде. Бұл туралы Астана қалалық Білім басқармасының басшысы Қасымхан Сенғазыев айтты.
Мұндай ақпараттық жүйе асханаларда тамақ пен буфет өнімдерін сатып алу, қоғамдық көлікте жүру және мектепке кіреберісте турникет арқылы өту бойынша қызметтерді қолданыстағы бір картаға біріктіреді.
Осының арқасында ата-аналар баланың мектеп асханасынан нені, қашан және қаншаға сатып алғанын, мектепте қай уақытта болғанын бақылай алады.
Бұл уақыт пен қаражатты айтарлықтай үнемдейді. Сонымен қатар ата-аналарға тек бақылауға ғана емес, сондай-ақ әр баланың оқу-тәрбие процесіне қатысуға мүмкіндік береді.
