21.02.2024

Атырауға өзге өңірлерден келген мұғалімдерге пәтер берілді

Былтыр Атырауға өзге өңірлерден 9 мұғалім келген. Оның ішінде 5 мұғалімге пәтер берілді.

Атырау облысы әкімінің орынбасары Жасұлан Бисембиевтің айтуынша, Үкіметтің «Мұғалімдер тапшылығы бар өңірлерге үздік педагогтерді тиісті қолдау шараларының пакетімен тарту қағидаларын бекіту туралы» қаулысына сәйкес Атырау облысында жұмыс істеуге 9 педагог ниет білдірген. Мұғалімдер еліміздің әр өңірінен келген.

«Атырау облысындағы мектептерге жұмыс істеуге келген 9 мұғалімнің бесеуіне жаңа пәтердің кілті беріліп отыр. Мәселен, олардың арасында Батыс Қазақстан облысынан тарих пәнінің мұғалімі Айнагүл Ережепова, физика пәнінің мұғалімі Валентин Козлов, Шығыс Қазақстан облысынан тарих пәнінің мұғалімі Сымбат Қабышева, Ақтөбе облысынан Қайсар Нұртанов, бастауыш сынып мұғілімі Гүлүзім Амангелді бар. Қазір басқа өңірлерден келген мұғалімдердің алаңсыз жұмыс істеуіне барлық жағдай жасалды. Оларға арнайы бағдарламаға сәйкес лауазымдық жалақысына 150 пайыз мөлшеріндегі қосымша ынталандыру ақысы төленіп отыр», -дейді Жасұлан Бисембиев.

Мәселен, Батыс Қазақстан облысынан келген Валентин Козлов Атырау қаласындағы Ж.Қаражігітов атындағы №16 мектеп-лицейіне жұмысқа орналасқан.

«Біздің таңдаған мамандығымыз мұғалімдік болғандықтан, басты мақсатымыз – саналы, білімді ұрпақ тәрбиелеу. Шәкірттеріміз үздік оқуымен танылып, түрлі сайыстардан жүлделі орындарды иеленсе, бұл біз үшін үлкен мәртебе болар еді. Атырауға осындай мақсатпен келген едік. Бізге жергілікті басшылар тарапынан баспана беріліп, үлкен қолдау көрсетіліп отыр», -дейді Ж.Қаражігітов атындағы №16 мектеп-лицейінің мұғалімі Валентин Козлов.

 

-ЖАРНАМА-

Пікір қалдырыңыз

Please enter your comment!
Please enter your name here

- ЖАРНАМА -

СОҢҒЫ ЖАЗБА

Жайлы мектептер білім ошағына аса мұқтаж өңірлерде салынуы тиіс – Олжас Бектенов

Жайлы мектептер оқушыларға ыңғайлы әрі білім беру деңгейі жоғары болуы тиіс. Бұл туралы Үкімет отырысында Премьер-Министр Олжас Бектенов айтты. «Жайлы мектеп» ұлттық жобасының елімізге керекті,...

Соңғы жылдары білім саласына салынған инвестиция 6 есе өсті

Соңғы жылдары білім саласына салынған инвестиция 6 есе өсті. Бұл туралы бүгін Үкімет отырысында «Жайлы мектеп» ұлттық жобасының іске асырылу барысын талқылау кезінде Премьер-Министрдің...

«Жайлы мектеп»: Павлодарда жаңадан 5 білім ұясы салынады

Екі мектеп биыл пайдалануға берілсе, өзгесі келер жылдың еншісінде қалдырылды. Жаңа ғимараттар тапшылық қалыптасқан аудандарда салынады. «Samruk-Kazyna Construction» АҚ Павлодар облысы әкімдігімен «Жайлы мектеп» ұлттық...

«Болашақ» бағдарламасына өзгерістер енгізіледі

Қазақстанда «Болашақ» халықаралық бағдарламасын дамытудың жаңа стратегиясы әзірленіп жатыр. Бұл туралы Ғылым және жоғары білім министрі Саясат Нұрбек мәлім етті. «Қазір алдағы үш жылға арналған...

Былтыр бір ғана Түркістан облысының білім саласында миллиардтаған ақша жымқырылған

Өткен жылдың басынан бері білім саласында 192 сыбайлас жемқорлық қылмысы тіркелді. Олар бойынша залал 13 млрд теңгеден асты. Ең ірі жымқыру Түркістан, Жетісу, Алматы, Қызылорда, Ақтөбе...