Орталық коммуникациялар қызметінде өткен брифингте Ғылым және жоғары білім вице-министрі Камиль Ақатов цифрлық экожүйе арқылы ғылым мен білім саласын қалай жетілдіруге болатынын айтты.
«Цифрландыру бойынша негізгі бастамаларды орындау мақсатында министрлік тиісті жұмыстар жүргізуде. Бұл бағыттағы басымдық ғылым мен жоғары білімнің сапалы цифрлық экожүйесін қалыптастыруға мүмкіндік беретін бастамаларға беріледі. Атап айтқанда, қазіргі кезде қолданыста отырған барлық ақпараттық жүйелерді бірізгілендіру», — деді Камиль Ақатов.
Оның айтуынша, экожүйе платформасын құра отырып, жоғары білім беру жүйесінің деректер мұрағатын қалыптастыруға болады. Сондай-ақ, енгізілетін жаңашылдықтар арқылы министрлік жоғары білім және ғылым саласына жасалатын мониторингі қызметін жетілдіруге мүмкіндік алмақ.
Қоса кетсек, бұған дейін вице-министр еліміздегі бір жоғары оқу орнының базасында «Цифрлық университет» моделін енгізу бойынша айрықша жоба іске асырылатынын айтқан болатын.
