20 C
Нур-Султан
26.07.2021

Тестілеу кезінде басқа оқушының орнына ҰБТ тапсырмақ болған 4 студент ұсталды

Мектеп түлектерін ҰБТ-ға кіргізу кезінде Face-ID жүйесі арқылы 4 бөгде тұлға анықталды. Бұл туралы Ұлттық тестілеу орталығының бұрынғы басшысы Дидар Смағұлов ФБ парақшасында жазды.

Осылайша, 4 талапкердің орнына тестілеуге елордалық екі жоғары оқу орнының 4 студенті қатыспақ болған.

Ол үшін жалған құжаттар да жасалған. Дегенмен, тұлғаны цифрлық сәйкестендіру Face-ID жүйесі аталған кемшіліктерді анықтауға мүмкіндік берді.

Бұл жүйе биыл ҰБТ тапсыратын барлық орталықта енгізілді.

«Бөгде тұлғалар аудиторияға кіре алмады, өйткені ҰБТ-ға кіргізу тұлғаны сәйкестендіру Face ID бағдарламасы арқылы жүргізіледі. Бағдарлама тіпті егіздерді де анықтай алады. Ұлттық тестілеу орталығының қызметкерлері ҰБТ тапсыру кезінде мектеп оқушылары тарапынан орын алуы мүмкін бұзушылықтарды қалай анықтау керектігін жақсы біледі. Тестілеуге өз орнына бөгде адамды кіргізбек болғандардың арасында «Алтын белгі« иегері да бар», – деп атап өтті ҚР БҒМ Ұлттық тестілеу орталығы директорының міндетін атқарушы Наужан Дидарбекова.

Тестіленушілер мен бөгде тұлғаларға қатысты ақпарат құқық қорғау органдарына жіберілді.

Оларға қатысты ҚР Қылмыстық кодексінің 385-бабы 2-бөлігі бойынша қылмыстық іс қозғалды.

Биыл ҰБТ тапсыру нысандарында үш сатылы жүйе енгізілген. Атап айтсақ, тестіленуші жеке куәлігін көрсетеді, кейін Face-ID жүйесінен өтеді.

Сондай-ақ әрбір тестілеушінің алдында камера орнатылған.

Осы шаралардың барлығы Ұлттық бірыңғай тестілеуді тапсыру рәсімінің ашықтығын қамтамасыз етуге бағытталған.

Бүгінгі таңда ұлттық бірыңғай тестілеуді тапсырғандардың саны — шамамен 150 мың адам.

Осы ретте ҚР БҒМ Ұлттық тестілеу орталығы талапкерлерді академиялық адалдық қағидаларын сақтауға шақырады.

 

-ЖАРНАМА-

Пікір қалдырыңыз

Please enter your comment!
Please enter your name here

- ЖАРНАМА -

СОҢҒЫ ЖАЗБА

Бірқатар өңірлерде көше, мектеп, университет атаулары өзгерді

Қазақстан Республикасы Үкіметінің жанындағы Республикалық ономастикалық комиссия қортындысы бойынша мемлекет меншігіндегі обьектілерге, мемлекеттік заңды тұлғаларға, мемлекет қатысатын заңды тұлғаларға және басқада кейбір құрамдас бөліктеріне атау...

Болашақ журналистерге: Шығармашылық емтиханды қалай тапсырамыз?

ҰБТ тапсырғаннан кейін бірден университетке түсіп кетемін деген түсінік жоқ. Әрине, бұл шығармашылық емтихан тапсыратындар үшін. Олар үшін тестілеу – алғашқы қадам ғана. Оларды...

ҚР БҒМ комитеті күні бойғы жұмысқа тартылған 14 жасөспірімді анықтады

Кәмелетке толмаған 14 балаға қатысты еңбек заңнамасын бұзу фактілерін ҚР Білім және ғылым министрлігі Балалардың құқықтарын қорғау комитетінің қызметкерлері анықтады. Министрлік мәліметіне сәйкес, жұмыс берушілер...

Магистратура түсушілер назарына…

Құрметті, кешенді тестілеуге (магистратура) қатысушылар! 2021 жылдың 18 маусымында басталған магистратураға түсуге арналған кешенді тестілеуге қатысуға тіркеу 15 шілдеде аяқталады. Магистратураға түсушілерге кешенді тестілеуге қатысуға өтініш...