21.02.2024

Жер бетінде 2 мыңға жуық ұлт, ал, Қазақстанда 15 миллионнан астам ұлт өкілі тұрады екен

Сайтымыздың поштасына төмендегі хат пен сурет келді. Суреттердегі өрескел қателіктерді көрген соң, бұл оқулықтар мектеп бағдарламасында бар екенін тексердік. Хатты өзгертпей басуды және редакция пікірін беруді жөн көрдік.

Құрметті, «Қазбілім» редакциясы!

Сіздердің ұлттың ең басты құндылығы, ұрпақтың білімі мен тәрбиесіне, жанашыр болып, әр күндеріңізді сүбелі ой айтуға арнап жүргендеріңізге мың алғыс. Бірақ, мен бүгін сіңлімнің оқулығынан мына олқылықты көріп, сіздердің порталдан қолдау болар дедім. Білім министрлігінен арнаулы адамдар осы туралы жауапқа тартылуы, әйтпесе, түсініктеме беруі керек деп санаймын.
Бұл нағыз бармақ басты, көз қыстылардың ел үшін, ұлт үшін, ұрпақ үшін ет жүрегі елжіремейтін, қазақ қаны жоқ, өз еліне өгей ұлына қарағандай қарайтын жемқор, топастардың жасап отырғаны секілді. Бұл деген ел қамын емес, қара басының қамынан аспаған, жемсауларын толтырудан қашпаған білім минисрлігіндегі қара құзғындардың тірлігі.
Қайран, менің тарихым, жауапсыз, ұятсыздардың қолынан жемпір-жемпір болған, жылағым келеді. Қайран, баба тарихымды балаға дұрыс жеткізбей, ұрпақ санасын былғағандардың жазаға тартылмағаны өкінішті. Ұрпақ ұлтсыз, ұятсыз болса, обалы дәл осындай жандарда болады.
Білім министрлігі осы іске жауапты адамдарды жазаға тартып, баспаға, сарапшыға тиісті жаза береді деп күтемін.

Құрметпен: Астана Тұран университеті студенті, Айжамал Кәдірбек

Редакция пікірі

Р.S. Бұл үшінші сыныптың «Әдебиеттік оқу» және «Дүниетану» оқулықтары.
Оқулық жазу дүниедегі ең қиын шаруа екенін білеміз. Бірақ, жауапкершілігі мол жұмыс. Өйткені, ұрпақты ұлтынан жиіркендіретін, қазақ елінің беделі мен ұлтының сапасына тікелей қатысты мұндай қателіктердің, үш қолдан (автор, баспа редакторы, оқулық сараптама орталығы сарапшысы) еленбей, сорақы қалпы кетуі, бұл – қастандыққа біліп тұрып баруы. Бұл қателіктерді көруге бәлендей білім де керек емес деп ойлаймыз.
Дүние тануҚазақстан ұлттары Бірінші масқара: Қазақстан түгілі, жер бетінде 15 миллион ұлт жоқ. Ұлт пен халықтың санын шатастыру оқулық авторының деңгейін, сарапшының «жауапкершілігін» көрсетеді. Ұлттың ұлы құндылығы ұрпақ алдындағы оқулықты осындай «керемет білімділердің» қолына тапсырған сала министрлігінің сапасыз тірлігі ел ертеңіне кесірі тимесін десек, баршамыз қырағы болайық!

әдебиеттік оқуӘйтеке биЕкінші масқара: Әйтеке бидей ұлы тұлғаның өміріне немқұрайлылық қазақ ұлтының тарихын қорлау деп білеміз. Суретке қараған кез-келген жан, тіпті, Әйтеке биді білмейтін бес жасар бала да «атаның суреті» деуі даусыз. Ал, енді суреттегі дана бидің өмір сүрген жылдарын қараңыз. Бұл сонда ұлы тұлғаларды келемеждеу ме, әлде, баланы бабалардан алыстату ма?
Көшеде түкіргенді жауапқа тартатын біздің заңдарымыз ұлт болашағына «түкіргендерге» келгенде неге қауқарсыз?

Құрметті, білім және ғылым министрі, Аслан Сәрінжіпов, бұл оқулықтар сіздің құзырлы орынға келгеніңізше кеткен қателіктер екенін білеміз, алайда, сала тізгіні сізде тұрғанда сапасыз сарапшыларды тезге салады деп үміттенеміз.

kazbilim.kz

-ЖАРНАМА-

2 КОММЕНТАРИИ

  1. Ахмет Байтұрсынұлының айтқан сөздері (сайттың жоғарғы жағында) өкінішке орай, парақ беттерінде ғана қалуда.

Пікір қалдырыңыз

Please enter your comment!
Please enter your name here

- ЖАРНАМА -

СОҢҒЫ ЖАЗБА

Жайлы мектептер білім ошағына аса мұқтаж өңірлерде салынуы тиіс – Олжас Бектенов

Жайлы мектептер оқушыларға ыңғайлы әрі білім беру деңгейі жоғары болуы тиіс. Бұл туралы Үкімет отырысында Премьер-Министр Олжас Бектенов айтты. «Жайлы мектеп» ұлттық жобасының елімізге керекті,...

Соңғы жылдары білім саласына салынған инвестиция 6 есе өсті

Соңғы жылдары білім саласына салынған инвестиция 6 есе өсті. Бұл туралы бүгін Үкімет отырысында «Жайлы мектеп» ұлттық жобасының іске асырылу барысын талқылау кезінде Премьер-Министрдің...

«Жайлы мектеп»: Павлодарда жаңадан 5 білім ұясы салынады

Екі мектеп биыл пайдалануға берілсе, өзгесі келер жылдың еншісінде қалдырылды. Жаңа ғимараттар тапшылық қалыптасқан аудандарда салынады. «Samruk-Kazyna Construction» АҚ Павлодар облысы әкімдігімен «Жайлы мектеп» ұлттық...

«Болашақ» бағдарламасына өзгерістер енгізіледі

Қазақстанда «Болашақ» халықаралық бағдарламасын дамытудың жаңа стратегиясы әзірленіп жатыр. Бұл туралы Ғылым және жоғары білім министрі Саясат Нұрбек мәлім етті. «Қазір алдағы үш жылға арналған...

Былтыр бір ғана Түркістан облысының білім саласында миллиардтаған ақша жымқырылған

Өткен жылдың басынан бері білім саласында 192 сыбайлас жемқорлық қылмысы тіркелді. Олар бойынша залал 13 млрд теңгеден асты. Ең ірі жымқыру Түркістан, Жетісу, Алматы, Қызылорда, Ақтөбе...