|  | 

Ұстаз үні

Шетелдік мұғалім: Білім – емтиханнан кейін ұмытылып қалатын дүние емес

Елордада өтіп жатқан «Мектеп әлемін өзгертетін — ұстаздар» халықаралық конференциясында әлемдегі барлық педагогтарды толғандыратын мәселелер талқыланды.

Алқалы жиында әлемнің түкпір-түкпірінен жиналған екі мыңнан астам педагог бас қосты. Шетелден келген сарапшылар өздерінің авторлық еңбектерін ұсынып, заманауи білім беру, болашақ ұрпақты оқытуда тиімді тетіктерді пайдалану, педагогика саласының келелі мәселелері тақырыбында жазылған кітаптарын таныстырды.

«Мен еңбек жолымды дарынды балаларға арналған мектепте сабақ беруден бастадым. Жұмыс барысында білімді ұрпақ тәрбиелеу үшін білім жүйесіне өзгерістер енгізу керек екенін түсіндім. Білім беру – адамдар ойлап тапқан процесс», — дейді Израильдегі Бейт Берл колледжінің аға оқытушысы Йорам Харпаз.

Ол мұғалім сөйлеп, оқушының тыңдап отыруы өткен ғасырларда қалып қойған тәсіл екенін айтты.

«Оқушы алған білімін емтихан кезінде айтып, одан кейін ұмытып қалатын кезеңнен де өтіп кеттік. Бұл тәсілмен оқытқан кезде «Жаман оқушы оқығанын емтихан тапсыруға бір минут қалғанда ұмытып қалады, жақсы оқушы оқығанын емтихан тапсырғаннан кейін бір минут өткен соң ұмытады» деген әзіл болған. Ақыл-ой мен миды әлденемен толтырылуы тиіс бос ыдысқа теңеуге болмайды. Білім берудің мақсаты – сол ыдысты біліммен толтыру дейді. Бұл да – ескі жүйе. Біз оқушыларға білімнің емтиханнан кейін естен шығаратын нәрсе емес, өмірлік тәжірибеде қолданылатын құрал екенін үйретуіміз керек», — дейді Йорам Харпаз.

Шара барысында Кембридж университетінің білім беру инновациялары орталығының директоры Коллин МакЛафлин, Израиль Бейт Берл колледжінің аға оқытушысы Йорам Харпаз, KidZania халықаралық білім беру бағдарламаларының директоры, балалар алдындағы еңбегі үшін Британ империясы орденінің құрметті офицері Гер Граус сияқты белгілі сарапшылар мен ғалымдар баяндама жасады.

Еске сала кетсек, елордада мыңнан астам педагогтың қатысуымен «Назарбаев Зияткерлік мектептері» ұйымдарының «Мектеп әлемін өзгертетін – ұстаздар» халықаралық ғылыми-тәжірибелік конференциясы өтті .

Онда ҚР Білім және ғылым вице-министрі Шолпан Каринова Назарбаев Зияткерлік мектептерінің тәжірибесі Қазақстандағы жалпы білім беретін мектептерге енгізілетінін айтты .

Сондай-ақ, «НЗМ» Дербес білім беру ұйымының басқарма төрағасы Күләш Шәмшидинова қазіргі мұғалімдер қандай болуы керектігін жеткізді. Оның сөзінше, « тек қана пәнді білу – жеткіліксіз, мұғалім алдымен өзіне-өзі сенуі тиіс.

ОҚИ ОТЫРЫҢЫЗДАР

  • Қазақстан Республикасы Президентіне жолдау

    Қазақстан Республикасы Президентіне жолдау

    Құрметті Қасым-Жомарт Кемелұлы! Ертең, еліміздің  білім және ғылым саласының өзекті  мәселелеріне арналған Ұлттық қоғамдық сенім кеңесінің  кезекті отырысы өтеді. Соңғы жолдауы-ңызда Сіз осы саланы түбегейлі реформалаудың қажеттілігін атап өттіңіз. Кеңес мүшелері ертең қандай сұрақтар қоятынын білмеймін, бірақ біздің білім беру жүйесіндегі   нақты  проблема   тудырып  тұрған  күрмеуі шешілмеген  қиындықтар   туралы сөз   қозғалатынына сенімдімін. Баршаға белгілі, халықаралық

  • Министрліктің алдағы уақыттағы он қадамы қандай болуы керек?!

    Министрліктің алдағы уақыттағы он қадамы қандай болуы керек?!

    САЛАЛЫҚ МИНИСТР: «БІЛІМ ЖҮЙЕСІ ӨЗГЕРЕДІ, БАСҚА ЖОЛ ЖОҚ». Иә, басқа түскен қатер біздің елді ғана емес, адамзаттың алып елдерін де сынап жатыр. Бұл індет, ең әуелі сынға алғаны, денсаулық сақтау мен білім жүйесін, әлеуметтік қызмет көрсету салалардың қаншалықты сапалы екенін жайып салды. Жылдар бойғы реформалардың нәтижесі күлге ұшқанының куәсі болып, біздің елдегі білім жүйесінің «қотырларын»

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog