|  |  |  | 

Білім жарысы Мектеп Үздік

Халықаралық Жәутіков олимпиадасында еліміз командасы алғаш рет бас жүлде алды

ХІ халықаралық Жәутіков олимпиадасында респубикалық физика-математикалық мектеп-интернатының командасы жеңімпаз атанды, — деп хабарлайды ҚазАқпарат.

Алматыда өткен додада олимпиада тарихында бірінші рет респубикалық мамандандырылған физика-математикалық мектеп-интернатының командасы бас жүлдені жеңіп алды.

Марапаттау салтанаты әл-Фараби атындағы ҚазҰУ-да өтіп жатыр.

5 күн бойы әлемнің 15 елінен келген 58 команда, 391 қатысушы математика, физика және информатика пәндерінен ең үздікті анықтау үшін бақ сынады.

Бірінші орынға — 7 рет Жәутіков олимпиадасының жүлдесін алған ресейлік команда, екінші орынға — армениялық Ереван физика-математикалық мектебі мен болгариялық София математикалық мектебінің командасы,үшінші орынға №31 Челябі математикалық лицейінің командасы, Грузиядан келген №199 Тбилиси мектебінің командасы, Беларусь мемлекеттік университетінің лицейі табан тіреді.

1-орын иелеріне бейнекамера, 2-орын — фотоаппарат, 3-орын ұялы телефондар табыс етілді. Бас жүлде иелеріне ноутбук сыйға тартылды.

Олимпиаданың алтын медальдары 29 қатысушыға, оның ішінде 4 қазақстандық қатысушыға, күміс медалі 60 адамға (19 қазақстандық), қола медалі 87 қатысушыға (50) қатысушыға бұйырды. Жалпы, Қазақстан құрамасы 176 медальді қанжығасына байлады.

Сондай-ақ, 50 қатысушы Назарбаев университеті мен Қазақстан Британ техникалық Университетінің гранттары табыс етілді.

Болашақ ғалымдардың білімін бағалаған халықаралық қазылар алқасының құрамында әлемнің 9 елінің: Қазақстан, Әзербажан, Армения, Ресей, Болгария, Грузия, Беларусь, Украина және Өзбекстан ғалымдары жұмыс жасады. Қазылар алқасының төрағасы әл-Фараби атындағы ҚазҰУ ректоры Мұтанов Ғалымқайыр Мұтанұлы. Қазылар алқасының тең төрағасы ҚР ҰҒА академигі Жұмаділдаев Асқар Серқұлұлының айтуынша, биылғы олимпиадаға қатысушылардың да, төрешілердің де білім деңгейі өте жоғары болды.

Білім додасы Алматы қаласы әкімдігінің, ҚР Білім және ғылым министрлігінің, «Дарын» Республикалық ғылыми-практикалық орталығының қолдауымен жүзеге асырылды.

ОҚИ ОТЫРЫҢЫЗДАР

  • АҚШ-тың төрт бірдей оқу орны білім алуға шақырған қазақстандық оқушы кім?

    АҚШ-тың төрт бірдей оқу орны білім алуға шақырған қазақстандық оқушы кім?

    Қарағандылық Балнұр Түленованы бір мезгілде АҚШ-тың төрт университеті оқуға шақырып отыр. Ол халықаралық емтихан тапсырып, нәтижесін әлемнің бірнеше университетінің жалпы базасына жіберген, деп ҚазАқпарат агентігі хабарлады. Балнұр Түленова Қарағанды қаласының Нығмет Нұрмақов атындағы дарынды балаларға арналған мамандандырылған мектеп-интернатын бітірген. «Менің тұлға ретінде қалыптасуым отбасымда басталды. Ата-анам маған сын-қатерді қабылдап, қорқыныш және кемшіліктермен күресу үшін қолымнан

  • Білім саласына бөлетін қаржы ғылымның дамуына үлкен серпін болмақ – ұстаз

    Білім саласына бөлетін қаржы ғылымның дамуына үлкен серпін болмақ – ұстаз

    Еуразия ұлттық университетінің оқытушысы Жүніс Омар Ұлттық қоғамдық сенім кеңесінің үшінші отырысында сөз етілген білім саласына байланысты өз пікірін білдірген еді. Ұлттық қоғамдық сенім  кеңесінің  үшінші отырысы  пандемияға байланысты онлайн-форматта өткені баршамызға  мәлім. Онда  мемлекет басшысы  Қасым-Жомарт Тоқаев төрағалық етіп, жиында   адам  капиталын дамыту, білім беру, денсаулық  сақтау мәселелері талқыланды. Президент  еліміз  коронавирус  пандемиясының  шарықтау  шегінен

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog