|  | 

Жаңалық

Мұқтаж оқушылардың барлығына компьютер берілмек- елорда

Нұр-Сұлтанда қашықтықтан оқыту формасына көшу жұмыстары ретке келтірілген 5 сәуірге дейін көмекке мұқтаж оқушылардың барлығы компьютерлермен қамтылып, ғаламтор желісіне қосылатын болады, деп хабарлайды елорда әкімдігінің ресми сайты.

Қалалық білім басқармасының басшысы Шолпан Қадырова бүгін әкімдікте өткен брифингте білім ордаларының оқушылары мен студенттеріне қашықтықтан оқытуды ұйымдастыру мен өткізу мәселелері бойынша Білім басқармасының жанынан фронт-кеңсе құрылғанын, әр мектепте қашықтықтан оқыту бойынша үйлестіруші тағайындалғанын және call-орталық қосылғанын айтты.

«16 наурыздан бастап біздің ЖОО мен колледждер қашықтықтан оқыту формасына көшті. Жұмыс толықтай реттелген деп айтуға болады. Студенттердің барлығы қажетті оқулықтармен, әдістемелік құралдармен қамтамасыз етілді. 6 сәуірден бастап Нұр-Сұлтан қаласының мектептері қашықтықтан оқыту формасына көшеді. Қашықтықтан оқытуды ұйымдастыру және жүргізу жұмыстарын үйлестіру үшін әр мектепте техникалық координатор тағайындалды. Олар 6 сәуірден бастап оқушылар, ата-аналар, мұғалімдер тарапынан техникалық жағдайға қатысты түсетін сауалдарды қабылдайтын болады», – деп түсіндірді басқарма басшысы.

Қадырованың айтуынша, қалада компьютері жоқ 6500 бала (4594 отбасы), интернет желісіне қосылу мүмкіндігі жоқ 5583 бала (5108 отбасы) анықталған.

«Біз оқушыларымыздың компьютерлік техникамен қаншалықты қамтылғандығын, олардың интернет желісіне кіру мүмкіндігі бар-жоғын бақыладық. Сәйкесінше осы санаттағы оқушылардың 95% қажетті техникамен қамтыдық. Қалған оқушыларға компьютерлер 5 сәуірге дейін берілетін болады. Бұдан қоса, төртінші тоқсан басталғанға дейін интернет желісіне кіруге мүмкіндігі жоқ отбасыларды ғаламторға қосатын боламыз. Интернет желісіне қосу мәселесін «Қазақтелеком» АҚ және басқа байланыс операторларымен бірлесіп шешіп жатырмыз. Сондай-ақ, мұндай көмекті біз кейбір мұғалімдерімізге де көрсеттік. Ғаламторға қосылмағандарын флешкартамен қамтамасыз еттік», – деді Ш. Қадырова.

Айта кетейік, бүгін мектептерде сынама сабақтары өткізілді. 2 сәуір күні қашықтықтан оқыту үдерісін жүзеге асыруды ата-аналарға түсіндіру мақсатында ата-аналар жиналысы өтеді. 3 сәуір күні барлық мектептерде қашықтықтан оқыту форматын түсіндіру мақсатында бірыңғай сынып сағаты ұйымдастырылады.

ОҚИ ОТЫРЫҢЫЗДАР

  • Мұғалімдер күніне екі құжатты ғана толтырады

    Мұғалімдер күніне екі құжатты ғана толтырады

    ҚР Білім және ғылым министрі Асхат Аймағамбетов педагогтарды артық шаруадан босату жұмыстары туралы айтып берді. «Педагог жұмысының сапасы оқушылардың білім сапасына тікелей әсер етеді. Сондықтан, педагог артық шаруамен айналыспауы керек. Балалардың білімі мен тәрбиесіне жұмыс істейтінін түсінуі керек. Сондықтан, біз әрі қарай педагог мәртебесін көтеруді, әріптестерімізді қолдау мен дамыту үшін жағдай жасауды жалғастырамыз», — деді

  • Ұлттық бірыңғай тестілеудің материалдары 100 пайыз басып шығарылды

    Ұлттық бірыңғай тестілеудің материалдары 100 пайыз басып шығарылды

    «ҰБТ-ны ұйымдастыру жұмыстары жалпы бүгінгі күні аяқталуға жақын. Тестілеу материалдары 100 пайыз басылып шығарылды. Барлық аудиториялар тиісті құрылғылармен 100 пайыз жабдықталды. ҰБТ өткізу пункттеріне бейне көрсетілім маниторлары да орнатылып бітті», — деді министр. Оның атап өтуінше, ҰБТ өткізу бойынша барлық құзырлы органдардың жауапкершілігіне қатысты ҚР Үкімет басшысының орынбасары Ералы Тоғжанов тиісті міндеттерді бекітті. «Біріншіден, Ішкі

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog