Сайт жасау
 |  | 

Керекті кеңес

ВВС басылымы күніне бір сағат кітап оқудың адамға қалай әсер ететіні туралы мақала жариялады

Барак Обамадан бастап Илон Маскқа дейін көптеген танымал адамдар кітап оқығанды жақсы көретінін жиі айтады. ВВС басылымы күніне бір сағат кітап оқудың адамға қалай әсер ететіні туралы мақала жариялады.

«Кітап оқу адамның мансабына оң әсер ете алады. Жаңа ақпарат алып, білім игеруді айтпағанда, кітап оқу күйзелісті азайтып, ми жұмысын жақсартады. Сонымен, кітап оқуды әдетке айналдыру үшін не істеу керек?», деп жазады басылым.

«Зерттеушілердің айтуынша, орташа есеппен әр британ азаматы күн сайын екі сағат 49 минут уақытын телефонға жұмсайды екен. Яғни, кітап оқуды көбейту үшін телефон қолдану уақытын азайту керек», — дейді автор.

Оның айтуынша, кітапты көп оқуға ниеті бар адам алдымен өзіне ұнайтын кітаптан немесе жанрдан бастағаны жөн.

«Өзіңізге ыңғайлы форматты табыңыз. Біреулерге қағаз кітап ұнаса, кейбірі электронды кітаптарды жылдам оқитындарын айтады. Сонымен қатар аудиокітап форматы туралы да ұмытпаған жөн», деп жазады автор.

Мақала авторының айтуынша, кітап оқу туралы бойына қорқыныш ұялататын мақсат қоймаған жөн. Мысалы, жылына жүз кітап оқимын немесе таңғы төртте тұрып үш сағат бойы кітап оқимын деген мақсат өзіңіз қанша қаласаңыз да,  түпсанаңызда қорқыныш сезімін туғызады.

Сонымен қатар автор «Елу бет» әдісін ұсыныпты. «Кез келген кітапты оқып жатып, ары қарай жалғастырғыңыз келмей қалса, төртінші бетін оқып жатсаңыз да, елу бетке жеткізуге тырысыңыз», дейді автор.

 

ОҚИ ОТЫРЫҢЫЗДАР

  • ҰБТ негізінде сертификаттар мен құжаттарды қабылдау рәсімі 25 шілдеге дейін созылды

    ҰБТ негізінде сертификаттар мен құжаттарды қабылдау рәсімі 25 шілдеге дейін созылды

    Колледж, жоғары оқу орындарының студенттері көбінесе қашықтан оқу форматында оқитын болады. Бұл туралы Орталық коммуникациялар қызметінде онлайн өткен брифингте ҚР Білім және ғылым министрі Асхат Аймағамбетов айтты. Колледж, жоғары оқу орны студенттері көбінесе қашықтан оқу форматында оқитын болады. Кейбір мамандық бойынша тәжірибе, лабораториялық жұмыс және басқа да осындай дәстүрлі оқу режимі бойынша ұсыныстарды қабылдап, ондай

  • Онлайн оқитын студенттердің оқу ақысы арзандай ма — министр жауабы?

    Онлайн оқитын студенттердің оқу ақысы арзандай ма — министр жауабы?

    ҚР Білім және ғылым министрлігі берген тапсырмаға сәйкес барлық жоғары оқу орындары қосымша шығындарға ұшырап жатыр. Бұл туралы Орталық коммуникациялар қызметінде онлайн өткен брифингте ҚР Білім және ғылым министрі Асхат Аймағамбетов айтты. Жоғары оқу орындарына академиялық және қаржылық дербестік берілген, сондықтан оқу ақысы қанша болатыны туралы мәселені әр институт, әр университет, әр академия өзі шешеді.

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog