|  | 

Редактор бағаны

Бізде ҰБТ нәтижесі неге жоғары болады?

Биыл төртінші жыл оқушыларды ҰБТ тапсыртып жатырмыз, қатарынан төрт жыл алға ілгерілеп келеміз. Шүкір.
Биыл Астана және Алматы қалаларында жалпы 400 оқушы ҰБТ-ға қатысады.

Нәтижені алғашқы күннен бастап жарияласам, “Осындай жоғары көрсеткіштің құпиясы неде?” деп сұрайтындар көп. Құпия болатын ештеңесі жоқ, қызығушылық болса, айтайын.

1. Білікті ұстаз. Біздегі мұғалімдер барлығы тек тест арқылы қабылданып, іріктелген дарынды ұстаздар. Орталық үшін ең қиын түйін – осы, сондықтан да жыл бойы мұғалім іздеп отырамын, үздік ұжым қалыптастыру – ең басты дүние. Мықты мұғалім көрсем, барымды салып, өзіме жұмысқа тартамын. Мықты мамандарды әлі де көбейту ойымызда, себебі біздің мақсат әлі алда.

2. Жүйелі бағдарлама. Біз бір жылда 52 апта болса, сол 52 аптада да өзімізде оқитын оқушыларға сынақ тест өткіземіз. Оның нәтижесін тұрақты түрде ата-анаға жіберіп, әлсіз жақтарымен бірлесе жұмыс істейміз.

3. Мотивациялық қолдау. Бір жылда “Мамандық және болашақ”, “Ізденіс және нәтиже”, “ҰБТ-да жоғары нәтижеге жетудің 7 жолы”, “Түлектермен кеңес”, “Мотивацияны өзіңнен ізде”, “ҰБТ тапсырудың ұтымды жолдары” т.б. тақырыпта ай сайын дәстүрлі тренингтер, мотивациялық сабақтар өткізіп, оқушы психологиясымен тұрақты жұмыс істейміз. Тіпті оқушылар бір айдан асып бара жатса, “ағай тренинг өткізіңізші” деп өздері іздейді.
Осыған байланысты кеңестерді әлеуметтік желідегі парақшамда да, орталықтың qazbilim.kz сайтындағы “директордан кеңес” блогымда да тұрақты жазып, әр сұхбатымда айтып жүргенімді білесіздер, бұл жүйелі кеңес оқушыны шаршатпау, түңілдірмеу үшін өте керек дүние.

4. Тығыз байланыс. Оқушы-мұғалім-ата-ана үштігінің тығыз байланысы. Әр ата-анамен тығыз жұмыс істеледі. Балаға қай уақытта, қандай қолдау керек екенін ескертіп отырамыз. Оның үстіне, баланың қарым-қабілетіне байланысты, кейде бейіміне қарай таңдау пәнін өзгертуге кеңес береміз.

5. Күнделікті оқу материалдарын, кітаптарды өзіміз дайындап, әлденеше рет сараптамадан өткізіп барып қолданамыз. Бұл – мұғалімге үлкен тәжірибе, оқушылар қателескен түйіндерден қалай шығуға болатынын зерттеуге де үлкен күш.

 

Республикалық «QAZBILIM» орталығы
директоры Аятжан Ахметжанұлы

ОҚИ ОТЫРЫҢЫЗДАР

  • Дүниежүзі тарихы орыс тілінде, Қазақстан тарихы қазақ тілінде оқытылады? Неге?

    Дүниежүзі тарихы орыс тілінде, Қазақстан тарихы қазақ тілінде оқытылады? Неге?

    Соңғы аптада көтеріліп жатқан бұл мәселе негізі 2015 жылы күзде басталған іс еді. Бұл атышулы “үштілділік бағдарлама” деп аталатын 2016-2022 жылдарға арналған білім бағдарламасы еді. Еліміздің сол кездегі бас ұстазы Аслан Сәрінжіпов 2015 жылы 10 қыркүйек күнгі баспасөз мәслихатында «Барлық мектептерде қазақ тілінде қазақ әдебиеті, Қазақстан тарихы, география пәні оқытылады. Информатика, физика, химия, биология жоғары

  • Мамандық таңдауда неге мән берген дұрыс?

    Мамандық таңдауда неге мән берген дұрыс?

    Барша түлектер ҰБТ-ны аяқтап, қолда сертификат, университет және мамандық таңдау деген маңызды басқыш алдында тұр. Күнде жекеме ондаған оқушы мен ата-ана кеңес сұрап жазып жатыр. Бәрінің сұрағы “Қай мамандық жақсы, мынандай балмен қай мамандық, қандай университетке түсе аламыз?” деп сертификат суреттерін жібереді. Әр адамға жеке кеңес беруге үлгермегендіктен арнайы мамандық таңдау кезіндегі маңызды түйіндерді ескертейін.

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog