|  | 

Керекті кеңес

Балалардың жазғы лагерьлерге жолдамасы қанша тұрады

Білім және ғылым вице-министрі Бибігүл Асылова жазғы лагерьлердің жолдама бағасы қанша екенін жариялады, деп хабарлайды ҚазАқпарат.

«Лагерьлердегі сауықтыру қызметінің тарифтерін жергілікті атқарушы органдар мен тиісінше аталған мекемелер бекітеді. Жолдамалардың бағасы шамамен 10 мың теңгеден басталады. Ары қарай лагерьде демалу ұзақтығына байланысты болады. Ол – шамамен 10-40 мың теңге аралығында», – деді вице-министр Үкіметтің баспасөз орталығында.

Сонымен қатар, Бибігүл Асылова университеттерде ашылатын жазғы мектептердің қалай жасақталатыны туралы айтып берді.

«Біз ЖОО базасында жазғы мектептерді ашқалы отырмыз. Қазіргі таңда онға тарта жоғарғы оқу орыны академиялық мектеп ашып жатыр. Бұрын бұл тәжірибеде бар еді. Алайда ауқымды болмаған. Биыл ғана ЖОО-лар осы бастаманы іліп әкетіп, әртүрлі профиль бойынша жазғы мектептерді ашады», – дейді ол.

Бибігүл Асылованың айтуынша, еңбекпен балалардың 33 пайызы қамтылмақ.

«Жалпы, елімізде 6,7 мың еңбек отрядтары жасақталып, оған 180 мыңға тарта бала жұмылдырылады. Көгалдандыру бойынша 15 мың бригада – 524 мың бала жұмыс істейді. 2 333 әртүрлі ЖШС мен жеке кәсіп иелерінде 156 мың бала жұмыспен қамтылады. Еңбек кодексіне сәйкес ата-аналардың рұқсатымен үш жақты келісім жасалады. Ол келісімге ата-ана, жұмыспен қамту орталығы мен жұмыс беруші қол қояды. Жұмыс кестесі 3-4 сағаттан аспауы керек. Бала кез келген уақытта, тіпті оқу жылы кезінде де жұмыс істей алады. Алайда бұл жұмыс оқушының білім алуына кедергі келтірмеуі керек», – дейді вице-министр.

Еске сала кетсек, бүгінгі Үкімет отырысында Үкімет басшысы Асқар Мамин Білім және ғылым министрлігіне балалардың жазғы демалысын жоғары деңгейде ұйымдастыру үшін тиісті жол картасын әзірлеуді жүктеген болатын.

ОҚИ ОТЫРЫҢЫЗДАР

  • Бірінші сынып оқушысы кездестіретін негізгі жағдайлар және оны қалай шешу керек?

    Бірінші сынып оқушысы кездестіретін негізгі жағдайлар және оны қалай шешу керек?

    Кез келген ата-ана үшін баласының бірінші сыныпқа баруы өте маңызды сәт. Сондықтан ата-ана балаға барлық керек-жарағын алып береді және оны психологиялық түрде мектепке дайындай бастайды. Алайда бала мектепке 100% дайын дегеннің өзінде, бірінші сынып оқушысы түрлі жағдайларға тап болады. Мұндай жағдайларда ата-ана балаға ұрыспай, оны ұялтпай, керісінше, қолдау көрсете білу керек. Үйді сағыну Балаңыз балабақшаға

  • Мұғалім, ізденіс һəм сабақ туралы бірер сөз

    Мұғалім, ізденіс һəм сабақ туралы бірер сөз

    1.Бауыржан Момышұлы соғыста жүріп күнделік жүргізген. Ол жазбалары 37 дəптерге жеткен.Бұл- Бауыржан соғыста жай жүрген жоқ анализ жасады, ойланды, толғанды деген сөз. Қан кешіп жүріп кітап диктовать етті. Содан Александр Бек “Волоколамское шоссені” жазды. Егер соғыста ізденуге, кітап оқуға болса, жайшылықта ізденуге, оқуға болады деген сөз. (Кітап оқуға уақыт жоқ, мүмкіндік жоқ дейтіндер үшін). Меніңше,

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog