|  | 

Білім жарысы

Елордада «Тау мен дала хикаясы» тақырыбында Айтматов оқулары өтті

Елордамыз Нұр-Сұлтанда  Қазақстан халқы ассамблеясының ұйымдастыруымен әлем әдебиетінің классигі Шыңғыс Айтматовқа арналған «Тау мен дала хикаясы» атты шығармашылық кеш өтті, деп хабарлайды  Нұр-Сұлтан қаласы Қазақстан халқы Ассамблеясы.

Қырғызстан – Астана» этномәдени бірлестігінің бастамасымен өткен іс-шараға арнайы Қырғызстаннан келген жазушы, қоғам қайраткері, Шыңғыс Айтматовтың туған қарындасы Айтматова Розетта Төреқұлқызы қатысты.

Ауқымды іс-шара барысында Нұр-Сұлтан қаласындағы №79 мектеп-лицейінде Ш.Айтматовтың мұражайы ашылып, Р.Айтматова мұражайдың ашылу салтанатына қатысқан қауымға және мектеп оқушылары мен мұғалімдерге ағасы Ш.Айтматовтың өмірі туралы қызықты деректер айтып берді.

Шығармашылық кеш Қ.Қуанышбаев атындағы Мемлекеттік академиялық қазақ музыкалық драма театрында қойылған Шыңғыс Айтматовтың «Қызыл орамалды шынарым» спектаклімен жалғасты. Актерлердің шынайы, шебер ойынына тамсанған спектакль көрермендері көздеріне жас алып, қойылымның ұйымдастырушыларына жылы лебіздерін білдірді.

Сондай-ақ, іс-шара аясында елордамыздың Достық үйінде «Шыңғыс Айтматов. Дәуір. Тұлға. Гуманизм» атты халықаралық эссе байқауы мен «Манас Ааламы» атты жас манасшылар байқауының жеңімпаздарын марапаттау рәсімі, Қазақстан халқы ассамблеясы төрағасының орынбасары, ҚХА Хатшылығының меңгерушісі Ж.Түймебаевтың қатысуымен «Тау мен дала хикаясы» атты суретшілер көрмесі және қазақ-қырғызға ортақ тұлға Шыңғыс Айтматовтың шығармашылығына арналған дөңгелек үстел өтті.

Дөңгелек үстел барысында қырғыз жазушысы Шыңғыс Айтматовты барша қазақ елі ерекше құрмет тұтып, жоғары бағалайтынын атап өткен Ж.Түймебаев: «Аты аңызға айналған Адамзаттың Айтматовы өмір бойы қазақ жазушысы Мұхтар Әуезовті пір тұтып, замандастары Қалтай Мұхамеджанов, Мұхтар Шаханов, Олжас Сүлейменов, Зейнолла Қабдолов, Шерхан Мұртазамен достық қарым-қатынаста етене араласты. Қазақ елі қырғыз жазушысының шығармашылығын жоғары бағалап, Қазақстанның халық жазушысы атағын берді. Қазіргі сәтте Нұр-Сұлтан қаласында Ш.Айтматов атындағы көше бар. Арқа төріндегі бүгінгі кештің жүзеге асуы да халық жазушысына деген ерекше құрметтен туса керек» – деп түйіндеді.

Белгілі қоғам қайраткерлері, қазақ-қырғыз жазушылары, Қазақстан халқы Ассамблеясының мүшелері, этномәдени бірлестіктер мен жастар қанатының өкілдері қатысқан бүгінгі іс-шараға жоғары баға беріп, Алатаудың екі бетін ен жайлаған қазақ-қырғыз халықтарының достығы нығая түсуіне септігін тигізетін осындай кешті ұйымдастырған елордалық Ассамблеяға, алғыс білдірді.

Айта кетейік, осыған дейін елордадағы мектепте Шыңғыс Айтматов мұражайы ашылатындығын хабарлағанбыз.

ОҚИ ОТЫРЫҢЫЗДАР

  • Үздік оқытушылар анықталды

    Үздік оқытушылар анықталды

    Кеше Нұр-Сұлтан қаласында Мәдениет және спорт министрлігі Тіл саясаты комитетінің құрылымдық мекемесі Ш.Шаяхметов атындағы «Тіл-Қазына» ұлттық ғылыми-практикалық орталығының ұйытқы болуымен Қазақстан Республикасында тілдерді дамыту мен қолданудың 2011-2019 жылдарға арналған мемлекеттік бағдарламасы аясында А.Байтұрсынұлы атындағы республикалық оқытушы-ұстаздар байқауы өткізілді. Байқаудың алғашқы кезеңдері бұған дейін сатылы түрде барлық өңірлерде ұйым­дас­тырылып, осы сыннан сүрінбей өтіп, үздік деп танылған

  • Қазақстандық оқушылар Батыс Қытай математикалық олимпиадасынан жүлдемен оралды

    Қазақстандық оқушылар Батыс Қытай математикалық олимпиадасынан жүлдемен оралды

    Қазақстандық оқушылар кезекті Батыс Қытай математикалық олимпиадасынан 4 медаль жеңіп алды. Бұл турады «Дарын» республикалық ғылыми-практикалық орталығы хабарлады. «2019 жылдың 11-16 тамыз аралығында Қазақстан Республикасының құрама командасы ҚХР-дың Гуйчжоу провинциясы, Цзуньи қаласындағы Батыс Қытай математикалық олимпиадасына қатысты. Олимпиадаға Сингапур, Филиппин сынды елдерден 212 оқушы (26 команда) қатысты», – делінген ресми хабарламада. Нәтижесінде, Қазақстан құрама командасы

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog