|  | 

Жаңалық

Түркістан облысында оқушылар жүргізушілерге ой салар хат жазды

Түркістан облысындағы Жетісай ауданында полиция басшылығы мектеп оқушылары арасында «Жүргізушіге хат» шығармашылық акциясын өткізді. Шарада жасөспірімдер жылдамдықты асырып, жол белгілеріне назар аудармайтын жүргізушілерге тілектерін жеткізді, бұл туралы Қазақпарат агентігі хабарлады.

Мектеп жасындағы  балалардың хаттары көлік жүргізушілеріне тікелей бағытталды. Жасөспірімдер өз хаттары арқылы қарсы бетке шығып немесе мас халде көлік жүргізетін, жол апаттарына себепші болатын жүргізушілерге ой салатын сөздер жазды. Жол апаттарын болдырмау мен алдын алу бағытында өз ұсыныс-пікірлерін жеткізді.

«Қымбатты жүргізуші ағай, қоғамдық көліктің қызметін күнделікті пайдаланамыз: онымен жұмысқа барамыз, үйге қайтамыз. Көлікті абайлап жүргізсеңіз, барлығымыз аман боламыз, апаттардан сақ болу- өз қолдарыңызда! Сапарыңыз сәтті болғай», делінген хаттардың бірінде.

Жетісай АПБ бастығы Ермахан Абдрамановтың айтуынша,  жол ережелерін қатаң бұзуға жол берген жүргізушілерге осы хаттар ой салуы  бек мүмкін.

«Көлік тізгіндеген азаматтарды  жазалап, айыппұлдар салынып жатса да, оған себепшілер саны азаяр емес. Сондықтан да ақ қағаз арқылы  жүргізушіге талап-тілегін жеткізген оқушылардың пікірі арқылы заң бұзушылықтардың алдын алмақпыз. Акция барысында оқушылар жазған материалдар әрбір көлік тізгіндеген жүргізушіге көрсетілетін болады. Бұл хаттар  жол апаттарының орын алмауына ұйытқы болады  деп  сенеміз»,- дейді Ермахан Абдраманов.

Шығарма жазғандардың арасынан Оңалбек Салтанат үздік деп танылып, өзінің хаты арқылы ерекшеленді. Жеңімпаз қыз Жетісай АПБ басшысының атынан «Алғыс хатпен» марапатталып, бағалы сыйлықтарға ие болды.

Түркістан облысында оқушылар жүргізушілерге ой салар хат жазды
Түркістан облысында оқушылар жүргізушілерге ой салар хат жазды

 

 

ОҚИ ОТЫРЫҢЫЗДАР

  • Елбасы оқу орындарындағы жемқорлық туралы айтты

    Елбасы оқу орындарындағы жемқорлық туралы айтты

    Бүгін елордада Елбасы, партия Төрағасы Нұрсұлтан Назарбаевтың қатысуымен «Nur Otan» партиясы Саяси кеңесінің кеңейтілген отырысы өтіп жатыр. Осы отырыста Елбасы оқу орындарындағы жемқорлық туралы айтты. «Сыбайлас жемқорлықпен күресіп, партияның ішін тазарту керек. Біз өзімізден бастауымыз керек. Халықты сыбайлас жемқорлыққа қарсы жұмыс істеуге жұмылдыру керек. Қоғамда тұрмыстық сыбайлас жемқорлық кең тараған. Оқу орындарында сессияларды сатып алады,

  • 63 мыңнан астам оқушы жаңа бағдарлама бойынша оқиды

    63 мыңнан астам оқушы жаңа бағдарлама бойынша оқиды

    Жаңа оқу жылында Алматыда 4,9,10 сыныптардың 63 мыңнан астам оқушысы жаңа бағдарлама бойынша оқиды. Бұл туралы Алматы қалалық білім басқармасының бастығы Гүлнәр Қожабергенова айтты. «Қалада жалпы білім беретін 204 мемлекеттік, 55 жеке меншік мектеп бар. Онда 257 мыңнан астам оқушы оқиды. Орта білім саласында негізгі әдістер анықталған. Қазіргі уақытта Назарбаев Зияткерлік мектебінің тәжірибесі таратылуда. Жаңа

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog