|  | 

Жаңалық

Қазақстан ЖОО-ларында білім гранттарының құны артуы мүмкін

М.В. Ломоносов атындағы Мәскеу мемлекеттік университетінің қазақстандық филиалына жеке ғимарат беру керек. Бұл туралы Парламент Сенатының жалпы отырысында депутат Бақытжан Жұмағұлов айтты.

Қазақстандық филиалдың қызметін одан ары заңнамалық тұрғыда бекіту мақсатында 2017 жылғы 9 қарашада Челябинск қаласында ҚР Үкіметі мен РФ Үкіметі арасында М.В. Ломоносов атындағы Мәскеу мемлекеттік университетінің қазақстандық филиалының қызметі туралы келісімге қол қойылды.

«Осы келісімді ратификациялау  – филиал жұмысының құқықтық жағдайларын жақсартуға және реттеуге мүмкіндік береді. Сонымен қатар, қаралып отырған заң жобасын жұмыс тобы мен Сенат комитетінде талқылау барысында туындаған бірқатар мәселелерді атап өткім келеді. Осы орайда оқыту гранттарына тоқталатын болсақ, Мәскеу мемлекеттік университетінің филиалында 1 млн 690 мың теңгені құрады. Мұндай сома білікті профессорларды тартуға, дәрістерді жоғары деңгейде өткізуге мүмкіндік береді. Бұл шын мәнінде білім беру сапасының кепілі.  Ал біздің жоғары оқу орындарында, тіпті ұлттық университеттерде гранттар сомасы әлдеқайда төмен», – деді депутат.

Оның сөзіне қарағанда, бүгінде елдің бәсекеге қабілеттілік шарттарының бірі ретінде білім беру сапасы бірінші орынға шықты. Бұл орайда білім сапасын көтеруге бағытталған кешенді іс-шаралар жүргізу туралы ойлану қажеттігі бар. Осы ретте Қазақстанның жоғары оқу орындарында гранттардың құнын арттыру өте маңызды.

«Филиал құрылған уақыттан бері Л.Н. Гумилев атындағы Еуразия ұлттық университетінің базасында жұмыс істеп келеді. Ғимаратқа қатысты 14 жылда 270 млн теңгеден астам қаржы ЕҰУ тарапынан жұмсалды. Бұл дұрыс емес деген де пікірлер айтылды. Себебі Мәскеу мемлекеттік университеті және Еуразия ұлттық университеті әлемдік аренада, сондай-ақ дүниежүзілік рейтингтерде бәсекелестер болып саналады. Сондықтан ММУ-дің Қазақстандағы филиалына жеке ғимарат бөліп беруді тиімді шешім деп ойлаймыз», – деді Б. Жұмағұлов.

Өз кезегінде ҚР Білім және ғылым министрі Күләш Шәмшидинова айтылған ұсыныстармен келісе отырып: «Біздің ЖОО-ларда гранттар деңгейін көтеру ұсынысы осыған дейін бірнеше мәрте айтылды. Біз осы қадамның қажет екенін түсініп отырмыз. Ал ММУ-дің филиалына жеке ғимарат бөлу мәселесі қаралып жатыр», – деді.

Айта кетейік, 2000 жылы ҚР Тұңғыш Президенті Нұрсұлтан Назарбаев М.В. Ломоносов атындағы Мәскеу мемлекеттік университетінің Қазақстандағы филиалын ашу жөнінде бастама көтерді. Сол жылы 9 қазанда РФ Президенті В. Путиннің Қазақстанға сапары кезінде филиалдың құрылуы туралы хаттамаға қол қойылды. Білім ордасы осы уақытқа дейін Л.Н. Гумилев Еуразия ұлттық университетінің базасында қызмет етуде.

Бұдан бұрын хабарланғандай, жалпы отырыста палата депутаттары «ҚР Үкіметі мен РФ Үкіметі арасындағы М.В. Ломоносов атындағы Мәскеу мемлекеттік университетінің Қазақстандық филиалының жұмыс істеуі туралы келісімді ратификациялау туралы» Заңын қабылдады.

ОҚИ ОТЫРЫҢЫЗДАР

  • Асқар Мамин балалардың жазғы демалысы бойынша жол картасын әзірлеуді тапсырды

    Асқар Мамин балалардың жазғы демалысы бойынша жол картасын әзірлеуді тапсырды

    Үкімет басшысы Асқар Мамин Білім және ғылым министрлігіне балалардың жазғы демалысын жоғары деңгейде ұйымдастыру үшін тиісті жол картасын әзірлеуді жүктеді. «Балалардың демалысын ұйымдастыру – маңызды мәселе. Ол әрбірімізге қатысты. Қарағанды, Алматы, Павлодар облыстарында балалардың демалысы жоғары деңгейде жоспарланған. Бұр жерлерде балалардың демалысын ұйымдастыру мәселесі толығымен шешілген. Аталмыш жұмысқа тиісті деңгейде көңіл бөлмеген өңірлер де бар.

  • Бір футболшы неше мұғалімнің айлығын алады?

    Бір футболшы неше мұғалімнің айлығын алады?

    Қазақстанның Футбол Федерациясы әр жылдың соңында футболшылардың жылдық есебін жария етіп тұрады деп жазады Qamshy.kz ақпарат агенттігі. 2018 жылғы орта есепке сүйенетін болсақ, Қазақстан футболшылары АПЛ ойындарынан 148 мың АҚШ долларын, яғни сол уақыттағы бағаммен 55 млн теңге алып отырған. Бұл – жалпы топтың айлығы. Адам басына шаққанда әрқайсысы шамамен кемінде 3 млн 500 мың теңгеден алды.

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog