|  | 

Жаңалық

Күләш Шәмшидинова мектеп директорларын тағайындауға қатысты ұсынысты қолдады

Үкімет үйінде өткен баспасөз мәслиxатында журналистер оқырмандардың тарапынан түскен бір ұсынысты оқып берді.

«Бүгінде мектеп директорларының бес жылдан артық уақыт отыратын жағдайлары өте көп. Соны бес жылда бір рет оқытушылардың сайлауы арқылы жүргізуге болмай ма?», – дейді оқырмандар.

ҚР Білім және ғылым министрі Күләш Шәмшидинованың айтуынша, бүгінде цифрлық теxнологиялардың арқасында біраз процестерді ашық жүргізуге мүмкіндік бар.

«Мысалы, Түркістан облысы мен Шымкент қаласы бойынша мұғалімнің бәрін «блатпен» алады деп айтады. Қазір бәрін электронды түрде жасайды. Сол жерде тесттен өтеді. Содан кейін кім қабылданды, кім қабылданған жоқ. Бәрі тұр. Біз соған бәрібір келеміз. Ал директорлардың бес жылда ауысып тұруына байланысты ұсыныс, шынын айту керек, маған қатты ұнайды. Бірақ қоғамды білесіздер. Біз қоғаммен ақылдасып, бәрін заңдастыруымыз қажет. Қазір мектеп директорларының босаған орындары конкурс арқылы өтеді. Осыны толықтыруымыз керек. Бір ақылдасып алайық. Шын мәнінде, бұл дұрыс болар еді деп есептеймін», – деді К.Шәмшидинова.

Айта кетейік, бүгінгі брифингте білім министрі білім қызметкерлерінің жалақысын көтеру шаралары туралы айтты. Аталған тапсырманы ҚР Тұңғыш Президенті – Елбасы Нұрсұлтан Назарбаев берген болатын.

Оған сәйкес, жалақысы төмен бюджеттік сала қызметкерлерінің жалақысы 30 көтерілуі керек. Бүгінде арнайы тарифтік коэффицент бекітілді.

Бұдан бөлек, Күләш Шәмшидинова жалақының қалай артатынын нақты мысалмен көрсетті.

ОҚИ ОТЫРЫҢЫЗДАР

  • Балабақшаларға деген қажеттілік МЖӘ арқылы шешіліп жатыр – вице-министр

    Балабақшаларға деген қажеттілік МЖӘ арқылы шешіліп жатыр – вице-министр

    Елімізде биылғы жылдың алғашқы 6 айында 565 мемлекеттік-жекеменшік әріптестік туралы келісім жасалды, олардың басым бөлігі білім беру саласында. Бұл туралы бүгін Үкіметтің баспасөз мәжілісінде ҚР ұлттық экономика министрінің орынбасары Мәди Тәкиев мәлімдеді. Оның айтуынша, соңғы төрт жылда республикада мемлекеттік-жекеменшік әріптестік арқасында мектепке дейін мекемелерге (балабақша) деген шұғыл қажеттілік мәселесі шешілген. «1 шілдедегі жағдай бойынша мемлекеттік-жекеменшік әріптестік аясында 1,29

  • Педагог қазақ қыздары ауылға аттанды

    Педагог қазақ қыздары ауылға аттанды

    Алматыдағы Қазақтың Мемлекеттік әйелдер педагогика институтын жақында 71 қазақ қызы бітіріп шықты. Олардың көпшілігі алыстағы қазақ аудандарындағы орта мектептерге оқытушылық қызметіне аттанды. Бүгін газетімізде институтты тұңғыш рет бітіріп шыққан жас педагог қыздарға арналған материалдар және оқуды отлично бағамен аяқтағандардың пікірлерін беріп отырмыз. Жарқын өмірге жолдама Қазақтың мемлекеттік әйелдер институтын тұңғыш рет бітіріп, үлкен өмірге маңызды

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog