|  | 

Керекті кеңес

Мұғалімді міндетінен тыс жұмысқа тартқан басшылар айыппұл арқалайды – заң жобасы

Қазақстанда алдағы уақытта мұғалімдерді міндетінен тыс жұмысқа тартқан лауазымды адамдар жазалануы мүмкін. Бұл туралы Қазақстан Республикасы Білім және ғылым қызметкерлері кәсіподағы төрағасының орынбасары Айгүл Мұқашева Астанада «Педагогтар мәртебесі туралы» заң жобасын талқылау жиынында тілшілерге айтып берді.

«Педагогтар мәртебесі туралы» ұсынылып отырған заң жобасында мұғалімге тіл тигізіп, оның кәсіби жұмысына араласқысы келген лауазымды адамдардың жауапкершілігі көзделген. Осы заң арқылы ондай санаттағы адамдарға алдымен ескерту беріп, кейін әкімшілік жауапкершілікпен айыппұл салу көзделген. Мәселен, мұғалімді міндетінен тыс жұмысқа тартатын болса, ол лауазымды адам алдымен ескерту алып, кейін 10 АЕК көлемінде, яғни 25 250 теңге мөлшерінде айыппұл арқалайтын болады», – дейді Айгүл Мұқашева.

Ол сонымен бірге, мұғалімдердің қызметінен тыс жұмыстарға не жататынын түсіндіріп берді.

«Ол жұмыстардың санатына – сенбілік жатады. Өзіңіз білетіндей, біздің жұмыс берушілер әр сенбі сайын сенбілік ұйымдастыруды жақсы көреді. Ол жұмыстардың санатына үй аралауды да жатқызуға болады», – дейді ол.

Айгүл Мұқашева қаланы учаскеге бөліп тастап, мұғалімдерді аралату жұмысы барын жасырмады. «Мұғалімнің негізгі міндеті – баланы тәрбиелеу және оқыту. Басқа ешқандай жұмыспен мұғалім басын ауыртпауы керек. Міндетінен тыс жұмысқа мұғалімді мектеп директорымен бірге жергілікті атқарушы органдардың да қызметкерлері тартқысы келеді. Бұйрық қайдан келіп жатыр? Мектеп директорының тек бұйрықты орындайтыны белгілі. Сол себепті, бұл мәселеге кең ауқымда қарау керек», – дейді Айгүл Мұқашева.

 

ОҚИ ОТЫРЫҢЫЗДАР

  • “Ағылшын тілінде оқытуды мектеп пен мұғалімдер дайын болған кезде ғана жүргізе бастаймыз”

    “Ағылшын тілінде оқытуды мектеп пен мұғалімдер дайын болған кезде ғана жүргізе бастаймыз”

    БҚО-ға келген жұмыс сапарында Білім және ғылым министрі Күләш Шәмшидинова осылай деді. -«Білім саласында көптеген өзгерістер болып жатыр, сол өзгерістерді жүйелі нәтижеге жеткізу керек» деп Елбасы айтқандай, білім саласында атқарылатын жұмыс көп,-деп бастады сөзін Білім және ғылым министрі Күләш Шәмшидинова. –Алдымыздағы үш жылдың ішінде елімізде 190 мектеп салынады. Ең бірінші апатты жағдайда тұрған және үш

  • “Қызға қырық үйден салынатын тыйым”. Ол қандай?

    “Қызға қырық үйден салынатын тыйым”. Ол қандай?

    Қазақта “Қызға қырық үйден тыйым” деп аталатын тәрбие бар. Яғни, қыздарымыз мынадай қырық істен тыйылу керек немесе барған үйлері тыю керек . Үлкенге сәлем бер, жолын кесіп өтпе, жалғыз қыдыруға тыйым. Үлкендер алдында жарыса сөйлеуге тыйым. Талтайып отыруға тыйым. Шалқайып жатуға тыйым. Көп алдында ұятқа қалмауды, ағайынға жеккөрінішті болмауды әрқашан ойлау. Орынсыз іске ұрынудан тыйым.

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog