|  |  | 

Оқушы Үздік

Министр 10-сынып оқушысын марапаттады

ҚР Ішкі істер министрі Ерлан Тұрғымбаев Астанада бес жасар баланы құдықтан алып шыққан мектеп оқушысын марапаттады. Министрдің бұйрығымен Нәдір Омарғазиевке «Төтенше жағдайдағы ерлігі үшін» төсбелгісі табысталды, деп хабарлайды ҚазАқпарат агентігі.

«Нәдір ерлік жасады, ешкімнен көмек сұрамай, баланы құтқарып қалды. Полицейлер оқиға орнында үнемі бола бермейді. Осындай уақытта Нәдір шешім қабылдап, кішкентай баланы құтқарды. Ата-анасына берген тәрбиесі үшін алғысымды білдіремін, мектепке де ризашылығымды айтқым келіп отыр», –  деді Е.Тұрғымбаев марапаттау рәсімінде. Осыдан кейін министр мектеп оқушысына төсбелгіні тағып, естелікке смартфон сыйлады. Министрдің айтуынша,  Нәдір құқық қорғаушы болғысы келсе, оған Ішкі істер министрлігінің академиясында арнайы квота беріледі.

Шара кезінде Нәдір Омарғазиев те сөз алды. «Мен бұны ерлік деп санамаймын. Меніңше, өтіп бара жатқан кез келген адам солай істейді деп ойлаймын», – деп атап көрсетті Н.Омарғазиев.

Айта кетейік, 15 ақпанда №39 мектептің оқушысы Нәдір Омарғазиев бес жасар баланы құтқарды. №39 кешкі мектептің директоры Анар Қожахмет те шәкірті туралы айтып берген болатын. «Нәдір Омарғазиев көпшіл, талантты және өте тәрбиелі бала. Ол көпбалалы отбасынан шыққан және оның бес бауыры бар. Омарғазиевтер әулеті жалдамалы пәтерде тұрады», – деді Анар Қожахмет. Оның айтуынша, Нәдір ән салғанды ұнатады және танымал әнші болуды армандайды. «Дүйсенбі күні мектепте салтанатты шара ұйымдастырылады. Онда мектеп басшылығы Нәдірді ерлігі үшін марапаттайды», – деді директор.

 

ОҚИ ОТЫРЫҢЫЗДАР

  • Петропавлда мектеп ұстазы батырлар киген сауытты жасап шықты

    Петропавлда мектеп ұстазы батырлар киген сауытты жасап шықты

    Ерғали Сәткенов – солтүстікқазақстандықтарға ағаштан түйін түйетін, темірді балшықша илейтін шебер ретінде жақсы таныс. Оның қолынан шыққан дүниелер түрлі көрмелерде көрермен көзайымына айналған. Бұл жолы ол қазақ батырлары орта ғасырларда киген салмағы 10 келіге жуық темір сауытты жасап шықты. Оған қажетті 560 пластинаның әрқайсысын қолмен қиған. Қалыңдығы 4 мм болғандықтан сауытты жебе тесе алмайды, қылыш

  • Семейлік оқушы Ресейден жүлдемен оралды

    Семейлік оқушы Ресейден жүлдемен оралды

    Ресейдің Санкт-Петербург қаласында химия пәнінен 53-ші халықаралық Менделеев олимпиадасынан семейлік оқушы жүлдемен оралды. Олимпиадаға әлемнің 30 елінен жас химиктер командалары келіп, өз елдерінің  намысын қорғады. Қазақстан намысын республикалық олимпиаданың жеңімпаздары мен жүлдегерлері, сондай-ақ оқу-жаттығу жиындарында бірнеше рет дайындықтан өткен 8 оқушы қорғады. Солардың бірі Семей қаласындағы физика-математика бағытындағы Назарбаев Зияткерлік мектебінің 12 сынып оқушысы Рүстем

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog