|  | 

Керекті кеңес

Астанада оқушыларды әлеуметтік қолдаудың қандай түрлері бар

Астана бюджетінің жартысынан көбі халықтың әлеуметтік осал топтарын қолдауға бағытталады. Ұсынылатын жеңілдіктер туралы қалалық білім басқармасы айтып берді, деп хабарлайды Қазбілім елорда әкімдігінің ресми сайтына сілтеме жасап

Ведомствоның ақпаратына қарағанда, тегін тамақтандыру қызметі бастауыш сынып оқушыларының барлығына, 5-11 сынып оқушыларының әлеуметтік жағынан осал топтары санатына жататын балаларына көрсетіледі. Жалпылай алғанда, қызметтің бұл түрімен 78 мың оқушы қамтылған. Бұл елорда оқушыларының жалпы санының 50%-нан асады.

Жалпыға міндетті оқу қорының аясында көпбалалы отбасылардың балаларына, ата-анасының қамқорлығынсыз қалған балаларға жыл сайын мектепке қажетті заттарды, жазғы, қысқы және спорттық киімдерді сатып алуға материалдық көмек көрсетіледі, қоғамдық көлікте жеңілдікпен жүру құқығы мен сауығу демалысы ұсынылады. Биыл аталмыш көмекке 6 мыңға тарта оқушы ие болды. Жалпылай алғанда, бұл мақсатқа 450 млн теңге жұмсалды.

Аз қамтылған отбасы балаларын әлеуметтік қолдау елорданың колледждерінде де қарастырылған. Осылайша екі мыңнан астам студент ыстық тамақпен, шәкіртақымен, қоғамдық көлікте жеңілдікпен жүру құқығымен, жатақханадағы орынмен қамтамасыз етілген.

Сонымен қатар, жыл сайын өткізілетін қайырылымдылық науқандарының шеңберінде тек ағымдағы оқу жылының өзінде-ақ 8 мың балаға көмек көрсетілді. Көрсетілген көмектің мөлшері – 160 млн теңге.

Астанада мемлекеттік мектептер мен Балалар үйінің негізінде 4 Community орталық ашылды. Ондағы үйірмелер мен секциялардың барлығы тегін.

Еске салайық, қала әкімдігі Telegram-да көпбалалы аналарға арналған чат-ботты әзірледі. Онда азаматтар сауалнаманы толтырып, өз жағдайы туралы баяндап бере алады.

 

ОҚИ ОТЫРЫҢЫЗДАР

  • “Ағылшын тілінде оқытуды мектеп пен мұғалімдер дайын болған кезде ғана жүргізе бастаймыз”

    “Ағылшын тілінде оқытуды мектеп пен мұғалімдер дайын болған кезде ғана жүргізе бастаймыз”

    БҚО-ға келген жұмыс сапарында Білім және ғылым министрі Күләш Шәмшидинова осылай деді. -«Білім саласында көптеген өзгерістер болып жатыр, сол өзгерістерді жүйелі нәтижеге жеткізу керек» деп Елбасы айтқандай, білім саласында атқарылатын жұмыс көп,-деп бастады сөзін Білім және ғылым министрі Күләш Шәмшидинова. –Алдымыздағы үш жылдың ішінде елімізде 190 мектеп салынады. Ең бірінші апатты жағдайда тұрған және үш

  • “Қызға қырық үйден салынатын тыйым”. Ол қандай?

    “Қызға қырық үйден салынатын тыйым”. Ол қандай?

    Қазақта “Қызға қырық үйден тыйым” деп аталатын тәрбие бар. Яғни, қыздарымыз мынадай қырық істен тыйылу керек немесе барған үйлері тыю керек . Үлкенге сәлем бер, жолын кесіп өтпе, жалғыз қыдыруға тыйым. Үлкендер алдында жарыса сөйлеуге тыйым. Талтайып отыруға тыйым. Шалқайып жатуға тыйым. Көп алдында ұятқа қалмауды, ағайынға жеккөрінішті болмауды әрқашан ойлау. Орынсыз іске ұрынудан тыйым.

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog