|  | 

Жаңалық

Астанада студенттер жатақханадан орынды мобильдік қосымша арқылы сұрай алады

Биыл астаналықтар үшін білім беру, көлік және салық салаларында жаңа қызметтер онлайн режимде қолжетімді болады. Бұл туралы Қазбілім қала әкімдігінің ресми сайтына сілтеме жасап хабарлайды.

«Астана Innovations» АҚ мәліметіне сәйкес, осы жылы Smart Astana мобильдік қосымшасы түрлі әлеуметтік салада қала тұрғындарын керек ақпаратпен қамтамасыз ететін болады.

Мәселен, 22 ақпаннан бастап қосымшада салық берешегін тексеру мүмкіндігі пайда болады.

Ал 1 сәуірге дейін салықтар мен айыппұлдарды, үйірмелер мен секциялар ақшасын төлеу қызметтері қолжетімді болады.

15 наурызға дейін ХҚКО-да алдын ала кезек алу мүмкіндігі пайда болады.

Цифрлық технологиялар астаналық білім беру саласында да белсенді енгізілуде. Атап айтқанда, 18 ақпанда Smart Astana мобильдік қосымшасында білім беру орталықтарындағы секциялар мен үйірмелер кестесі көрсетілген және оларға жазылу мүмкіндігі бар функция қосылады. Осылайша, тұрғындар жұмыс істеп тұрған және ашылып жатқан білім беру орталықтары туралы ақпаратты біліп отырады.

15 наурызда барлық мемлекеттік колледждердің жатақханасы сандық жүйеге қосылады. Солайша, жатын орын сұрауға өтінішті онлайн беруге болады. Бұдан бөлек, 1 сәуірде Smart Astana қосымшасында балабақшаға кезекке қою, мектепке баруға жазылу сервисі іске қосылады. Әр мектептің кіреберісінде QR-кодтары бар ақпараттық тақтайшалар және нұсқаулықтар орнатылады. Сервис шағымдар мен ұсыныстарды қабылдайтын болады.

Астанада «ақылды» технологиялар қоғамдық көлік саласына да енгізілуде. Smart Astana мобильдік қосымшасында қазірдің өзінде «Автобус аялдамасының таблосы» сервисі қолжетімді. Ол автобустың қанша уақытта келетінің көрсетеді. Сервис қызметі  QR-кодты сканерлеумен жүзеге асады. QR-кодтарды барлық аялдамаларға қою ойластырылған, ол барлық аялдамаларды виртуалды табломен қамтуға мүмкіндік береді. Сонымен қатар наурыз айында такси шақыру (Astana Taxi) сервисі іске қосылады және онда жол құны көрсетіліп тұратын болады.

 

ОҚИ ОТЫРЫҢЫЗДАР

  • 63 мыңнан астам оқушы жаңа бағдарлама бойынша оқиды

    63 мыңнан астам оқушы жаңа бағдарлама бойынша оқиды

    Жаңа оқу жылында Алматыда 4,9,10 сыныптардың 63 мыңнан астам оқушысы жаңа бағдарлама бойынша оқиды. Бұл туралы Алматы қалалық білім басқармасының бастығы Гүлнәр Қожабергенова айтты. «Қалада жалпы білім беретін 204 мемлекеттік, 55 жеке меншік мектеп бар. Онда 257 мыңнан астам оқушы оқиды. Орта білім саласында негізгі әдістер анықталған. Қазіргі уақытта Назарбаев Зияткерлік мектебінің тәжірибесі таратылуда. Жаңа

  • 1 қыркүйекте сабақ болмайды – Білім министрі

    1 қыркүйекте сабақ болмайды – Білім министрі

    1 қыркүйек – Білім күнінде еліміздің барлық мектептерінде салтанатты сап түзеу шарасы өткізіледі. Бұл туралы бүгін Орталық коммуникациялар қызметіндегі баспасөз мәслихатында ҚР Білім және ғылым министрі Асхат Аймағамбетов айтты, деп хабарлайды ҚазАқпарат тілшісі. «Өткен жылы да сенбіге тура келген болатын. Осы тұста өте көп пікірталас бар. 1 қыркүйекте сабақ болмайды. Тек салтанатты сап түзеу шарасы

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog