|  | 

Жаңалық

Елордағы ата-аналар білім саласы бойынша өз ойларын ортаға салды

Астана қаласының білім басқармасы жыл сайынғы азаматтарды қабылдау күнін өткізді, деп хабарлайды елорда әкімдігінің ресми сайты.

Қоғамдық қабылдау М.Өтемісұлы атындағы Оқушылар сарайында өтті. Онда ата-аналарды білім басқармасының басшысы Әнуар Жанғозин және орынбасарлары мен барлық бөлім басшылары қабылдады. Ата-аналар өздерін толғандырған сұрақтар бойынша кеңес алды. Ең көп сұрақ қосымша білім беру бөлімінің мамандарына қойылды. Сондай-ақ, ата-аналарды кәмелетке толмағандарды әлеуметтендіру, мектепке дейінгі тәрбие мен оқыту мәселелері қызықтырды.

«Ашық есік күні» форматындағы кездесулер өткен жылы басталған болатын. Шара мақсаты – елордалық білім беру жүйесін жетілдіруге ықпал ететін өзекті сұрақтар мен мәселелерді шешу арқылы басқарма мен қоғам арасында «сындарлы диалог» құрып, өзара байланыс орнату және өзекті сұрақтарға жауап беру.

«Кездесуге келе алмағандар өз сұрақтарын әлеуметтік желілер арқылы жолдады», – деді білім басқармасының стратегия және сандық технологияларды талдау бөлімінің басшысы Жазира Асанова.

Одан бөлек, мектепке қабылдану үшін қандай құжаттар керектігі, жол жүру жеңілдігі, көпбалалы отбасыларға қандай жеңілдіктер қарастырылғаны жайлы қосымша ақпараттар жазылған парақшалар таратылды. Осы жерде қосымша ақпарат алу үшін білім басқармасы мамандарының телефондары да көрсетілген.

 

ОҚИ ОТЫРЫҢЫЗДАР

  • СҚО-да биыл үш ауысымдық мектеп мәселесі толық шешіледі

    СҚО-да биыл үш ауысымдық мектеп мәселесі толық шешіледі

    Солтүстік Қазақстан облысында биыл үш ауысымда білім беретін мектептер мәселесі толығымен шешіледі. Сондай-ақ ондаған жылдар бойы жөндеу көрмеген білім мекемелері күрделі жөндеуден өткізіледі, деп хабарлайды ҚазАқпарат тілшісі. Биыл облыстағы мектептерді жөндеуге бөлінетін қаржы көлемі 12 есеге ұлғаймақшы. 120 мектепті жөндеуге 5 млрд теңге бағытталады.  Бұл жайында облыс әкімі Құмар Ақсақалов халық алдындағы есептік кездесуде мәлімдеді.

  • Алматы облысында үш ауысымды мектептер 2021 жылы жойылады

    Алматы облысында үш ауысымды мектептер 2021 жылы жойылады

    Алматы облысында қазіргі таңда оқушыларды үш ауысыммен оқытатын 34 мектеп бар. Мәселені шешу үшін биыл – 7, келер жылы 15 мектеп пайдалануға берілмек. Алматы облысы тұрғындарының саны 2 миллионнан асып, өңір республикадағы халқы көп аймақтың біріне айналды. Ішкі миграция мен халықтың табиғи өсімі салдарынан облыстың кейбір аудандарында оқушыларды үш ауысымда оқытуға тура келіп отыр. «Бұл

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog