|  | 

Жаңалық

200 оқу орны 1-2 мамандық бойынша жаңа құрал-жабдықтармен қамтылады – Е.Сағадиев

«Осы бағдарлама аясында екі жүз оқу орны, нақтырақ айтсақ, 20 жоғары оқу орны мен 180 колледж 1-2 мамандық бойынша жаңа құрал-жабдықтармен жабдықталады» деді министр.

Бұл оқу орындары білім берумен қатар 1-2 мамандық бойынша басқа оқу орындары үшін құзырет орталығына айналатынын еске салған ведомство басшысы, жаңа құралдар сатып алып, шетелдік әріптестермен кооперацияны және жаңа оқу бағдарламаларын дамыту қажет екеніне тоқталды.

«Еңбек және халықты әлеуметтік қорғау министрлігі «Атамекен» палатасымен бірге 100-ден аса қажет маманды анықтайды, олар білім беру ұйымдары үшін сатып алатын жабдықты таңдауға негіз болады.

Жабдықты сатып алу механизмі дайын. Лизинг тетігі арқылы қаржыландыру 7 жылға беріледі, «БРК-Лизинг» үшін сыйақы жылына 11 %-дан аспайтын болады.

Колледждер лизингті төлеу үшін 7 жыл ішінде ақшаны толық алады деп жоспарланып отыр. ЖОО-ларға лизинг төлемі бойынша республикалық бюджеттен қаржы бөлу әзірше қаралмаған. Өйткені, біз оларға былтырғы жылы барлық техникалық мамандықтар бойынша грант бағасын үш жүз қырық бес мыңнан 600 мыңға дейін көтердік» деді Ерлан Сағадиев.

Бағдарлама аясында жаңаруға тиісті жабдықтар мен техникалар тізімін «Атамекен» ұлттық палатасы және «БРК-Лизинг» акционерлік қоғамының келісімі бойынша «Кәсіпқор» холдингі бекітетін болады.

Министрдің айтуынша, қатысудың міндетті шарты – колледждер үшін 5%, жоғары оқу орындары үшін 10% қоса қаржыландыру болады деп жоспарланып отыр.

Сондай-ақ «Кәсіпқор» холдингі шетелдік және отандық мамандарды тарту бойынша шаралар қабылдайды. Колледждер үшін мамандар 2 оқу жылына дейін тартылатын болады. Жалпы, 3 жылда бағдарламаны іске асыру үшін республикалық бюджеттен 57,9 млрд теңге бөлу талап етіледі.

Биыл – 8,0 млрд теңге – лизинг төлемдерді өтеуге 7,3 млрд теңге, шетелдік және отандық мамандарды тартуға 0,7 млрд теңге қажет. Ал 2020 жылы 27,8 млрд теңге – лизинг төлемдерді өтеуге 16 млрд теңге, шетелдік және отандық мамандарды тартуға 1,88 млрд теңге, «Лизинг» БРК капиталдандыруға 10 млрд теңге; 2021 жылы – 22,1 млрд теңге – лизинг төлемдерді өтеуге 16 млрд теңге, шетелдік және отандық мамандарды тартуға 1,17 млрд теңге, «Лизинг» БРК капиталдандыруға 5 млрд теңге жұмсалады.

«Жас маман» бағдарламасын іске асырудың нәтижесінде 3 жыл ішінде 20 ЖОО мен 180 колледждің негізгі мамандықтарын жаңғырту жүзеге асырылатын болады, заманауи жабдықтардың 400-ден астам жиынтығы сатып алынды, 210 мыңнан астам білікті кадр даярланып, 15 мыңнан астам оқытушы біліктілігін арттырады» деді Білім және ғылым министрі.

 

 

ОҚИ ОТЫРЫҢЫЗДАР

  • 63 мыңнан астам оқушы жаңа бағдарлама бойынша оқиды

    63 мыңнан астам оқушы жаңа бағдарлама бойынша оқиды

    Жаңа оқу жылында Алматыда 4,9,10 сыныптардың 63 мыңнан астам оқушысы жаңа бағдарлама бойынша оқиды. Бұл туралы Алматы қалалық білім басқармасының бастығы Гүлнәр Қожабергенова айтты. «Қалада жалпы білім беретін 204 мемлекеттік, 55 жеке меншік мектеп бар. Онда 257 мыңнан астам оқушы оқиды. Орта білім саласында негізгі әдістер анықталған. Қазіргі уақытта Назарбаев Зияткерлік мектебінің тәжірибесі таратылуда. Жаңа

  • 1 қыркүйекте сабақ болмайды – Білім министрі

    1 қыркүйекте сабақ болмайды – Білім министрі

    1 қыркүйек – Білім күнінде еліміздің барлық мектептерінде салтанатты сап түзеу шарасы өткізіледі. Бұл туралы бүгін Орталық коммуникациялар қызметіндегі баспасөз мәслихатында ҚР Білім және ғылым министрі Асхат Аймағамбетов айтты, деп хабарлайды ҚазАқпарат тілшісі. «Өткен жылы да сенбіге тура келген болатын. Осы тұста өте көп пікірталас бар. 1 қыркүйекте сабақ болмайды. Тек салтанатты сап түзеу шарасы

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog