|  | 

Білім жарысы

Ағылшын тілінде ҰБТ-ны үздік тапсырған түлекке шетелдік ЖОО гранты беріледі

«Халықаралық бағдарламалар орталығы» АҚ ағылшын тілінде қысқы ҰБТ-ны үздік тапсырған түлекке шетелдік ЖОО грантын сыйлайды, деп хабарлайды Қазбілім ҚР Білім және ғылым министрлігіне сілтеме жасап.

Айта кетейік, бүгін сағат 9:00-де республика бойынша ақылы оқу бөліміне түсушілер үшін Ұлттық бірыңғай тестілеу басталды. «18-20 қаңтар аралығында 35 838 талапкер сынаққа қатысса, оның 61-і ағылшын тілінде бақ сынайды. «Халықаралық бағдарламалар орталығы» АҚ ҰБТ-ны шет тілінде тапсырушылардың артуына қызығушылық танытты. «Халықаралық бағдарламалар орталығы» АҚ басшысы Жанболат Мелдешов тесті ағылшын тілінде үздік тапсырған талапкерге грант бөлуге дайын екендігін айтып, бірқатар шетелдік серіктес ЖОО-ларды белгіледі», – делінген ресми хабарламада.

Еске сала кетсек, 2019 жылдан бастап қазақстандық мектептердің түлектері ҰБТ-ны төрт рет тапсыруға мүмкіндік алды. Бұл бастаманың мақсаты – мектеп бітірушілерге ЖОО-ға түсу мүмкіндігін арттыру.

«Жалпы, шетелдік ЖОО-да білім алуға мүмкіндік өте көп. Биыл шетелдік ЖОО-лар қазақстандықтарға 40 000 грант бөлуге дайын. Бұл – әр талапкердің тегін білім алуға мүмкіндігі бар деген сөз. Мектеп түлектері ҰБТ сертификатымен қазақстандық ЖОО-ларға ғана емес, шетелдік оқу орындарына да түсе алады. Мысалы, Түркия жоғары оқу орындарына біздің сертификатымызбен түсе алады. Ол үшін ағылшын және түрік тілдерін білуі керек», – дейді Ж. Мелдешов.

 

ОҚИ ОТЫРЫҢЫЗДАР

  • Қазақстан оқушылары математика бойынша әлемнің үздік 10 елінің қатарына кірді

    Қазақстан оқушылары математика бойынша әлемнің үздік 10 елінің қатарына кірді

    Қазақстан оқушыларының математика-жаратылыстану ғылыми сауаты бойынша әлемнің үздік 10 елінің қатарына кірді. Бұл туралы ҚР Білім және ғылым министрі Асхат Аймағамбетов айтты, деп хабарлайды ҚазАқпарат. Посткеңестік елдерде кадр дайындау жүйесі еңбек нарығының талаптарына сай емес, мемлекеттік реттеу тым артық, ал оқыту негізінен академиялық сипатқа ие» деген пікір бар. Шынымен де, бұл сын әділ. Аталған проблеманы

  • ҰБТ: Бір ғана талапкер 140 балл жинай алды

    ҰБТ: Бір ғана талапкер 140 балл жинай алды

    Ұлттық бірыңғай тест тапсырған түлектерден республикалық апелляциялық комиссияға 111 өтініш түсті. Бұл туралы бүгін ҚР БҒМ Жоғары және жоғары оқу орнынан кейінгі білім департаментінің директоры Әділет Тойбаев айтты. 20 маусымнан бастап елімізде ҰБТ басталды. Бүгінгі күнге дейін бес лек өтті. Бүгін тестілеудің алтыншы күні өтіп жатыр.  Тестілеуге өтініш берген 74 365 түлектің 71 227-сі қатысты.

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog