|  | 

Жаңалық

МҰҒАЛІМ МӘРТЕБЕСІН ТАЛҚЫЛАДЫ

Түркістанда «Жас Отан» Жастар қанаты Түркістан облыстық филиалының ұйымдастыруымен «Ұрпақ­тар сабақтас­тығы» жобасы аясында «Ұстаз – ұлағатты есім» атты жиын өтті.

Түркістан қалалық білім бө­лімінің қызметкері Жансая Шо­рабекова жастармен жүздесуінде Жастар жылында атқарылуы тиіс мәселелерді талқылады. Әсіресе, Елбасының «Қазақстандықтардың әл-ауқатының өсуі: табыс пен тұрмыс сапасын арттыру» Жол­дауын кеңінен талдады.

Атап айтқанда, педагогтар мәр­тебесі туралы, әлеуметтік же­ңілдіктер, негізсіз тексерістерді азайту, мұғалімдерге құзыретіне жатпайтын қоғамдық жұмыстарды жүктемеу проблемалары талқы­ланды. Жасотандықтар Жастар жылын педагогтар мәртебесінің артуына үлес қосып, оларды ұлықтаумен бастады. «Жас Отан» Жастар қанатының Түркістан облыстық филиалының төрайымы Жұлдыз Алмасқызы педагогтар мәртебесін көтеруге барлығымыз атсалысуымыз керек деген ойымен бөлісті. «Баланың жеке тұлға болып қалыптасуына, қиялына қанат бітіріп, рухын тәрбиелеуде ата-анамен қатар, мұғалімдердің де үлесі ерекше. Қай заманда болмасын, педагогтар қауымының мәртебесі биік. Елбасы «Қазақ­стандықтардың әл-ауқаты өсуі: табыс пен тұрмыс сапасын арт­тыру» атты Жолдауында жоғары білім беру туралы және педагог мәртебесі жайында бір­қатар маңызды міндеттерді атап өтті. Атап айтқанда, биыл «Педагог мәртебесі туралы» заң қабыл­да­нады. Бұл – қазақстандық ұстаздар қауымының қоғамдағы беделін арттырып, орнын айшықтауға зор қадам болмақ. Бізді жастарға білім беруге айрықша көңіл бөлінуі ерекше қуантты», – деді Жұлдыз Алмасқызы.

Жиында Жолдауда айтылған негізгі мәселелердің қай-қайсысы да өзекті екені жан-жақсы тал­қыланды. Расул Есетов атындағы №20 мектептің қазақ тілі пәнінің мұғалімі: «Қай заманда да қоғам педагог мәртебесіне селқос қара­маған. Өйткені ұстаз – ұлды ғана емес, тұтастай ұлтты тәрбиелеуші. Ұлы ақын Абай Құнанбайұлы «Адамның адамгершілігі жақсы ұстаздан болады» деген сөзін бала кезден санамызға сіңірдік. Енді балаларды да осы тұрғыда ­тәр­биелеп келеміз. «Педагог мәртебесі туралы» заңды әзір­леп, қабылдау қажет деп са­наймын. Бұл құжат мұғалімдер мен мектепке дейінгі мекеме қызметкерлері үшін барлық игілікті қарастырып, жүктемені азайтуға, жөнсіз тек­серістер мен міндеттен тыс функ­циялардан арашалауға тиіс» деген ойын ортаға салды.

Жиынға қатысушылар Елба­сының: «Болашақта еңбек етіп, өмір сүретіндер – бүгінгі мектеп оқушыларын мұғалімдер қалай тәрбиелесе, Қазақстан сол дең­гейде болады» деген тапсырмасын өңірде іс жүзінде іске асыру үшін қоғамның барлық мүшесі белсенді атсалысу керегін айтты.

 

Майра ЖАНЫСБАЙ
“Айқын” газеті

ОҚИ ОТЫРЫҢЫЗДАР

  • Жастар білімі мен күш-қуатын Отанымызды өркендетуге жұмсайтынына сенімдімін – Н.Назарбаев

    Жастар білімі мен күш-қуатын Отанымызды өркендетуге жұмсайтынына сенімдімін – Н.Назарбаев

    Жастар білімі мен күш-қуатын Отанымызды өркендетуге жұмсайтынына сенімдімін. Бұл туралы Мемлекет басшысы Нұрсұлтан Назарбаев  республикалық телеарналар арқылы Қазақстан халқына арналған мәлімдемесінде айтты. «Біз әлемдегі озық дамыған  50 елдің қатарына қосылдық. 2050 жылға дейінгі даму бағдарламасы әзірленді. Мақсатымыз – озық дамыған 30 елдің қатарына ену. Біз қираған КСРО-ның орнында заманауи нарықтық экономикасы бар, табысты  Қазақстан мемлекетін

  • Мемлекет басшысы Нұрсұлтан Назарбаевтың Қазақстан халқына үндеуі

    Мемлекет басшысы Нұрсұлтан Назарбаевтың Қазақстан халқына үндеуі

    Құрметті қазақстандықтар, отандастар! Ардақты ағайын! Қадірлі әріптестерім,«Нұр Отан» партиясының мүшелері! Мемлекетіміздің аса маңызды тарихи сәттерінде халқыма үндеу жолдайтынымды білесіздер. Бүгін де баршаңызға үндеу жариялағалы отырмын. Бірақ, бүгінгі үндеудің маңызы зор. Мен Қазақстан Республикасының Президенті ретіндегі өкілеттігімді тоқтату жөнінде шешім қабылдадым. Бұл ­– оңай шешім емес. Биыл еліміздің ең жоғары лауазымындағы қызметімді атқарып келе жатқаныма 30

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog