|  | 

Жаңалық

Мәжілістің жалпы отырысында педагогтар мәселесі көтерілді

Мәжілістің жалпы отырысында «Нұр Отан» фракциясының мүшесі Ж.Нұрманбетова Үкімет басшысы Б.Сағынтаевқа депутаттық сауал жолдап, білім беру саласында шешілуі созбалаңға салынып кеткен мәселелерге тоқталды.

«Бұл мәселені таяуда әлеуметтік желі­лерде жарияланған хатында өскемендік мұғалім Оксана Александрова көтерді. Онда бүкіл кәсіби педагогтар қауымы үшін өзекті және «Педагог мәртебесі ту­­ралы» заң жобасын әзірлеу кезінде ес­­ке­рілуге тиісті мәселелер көрініс тап­қан», – деген депутат мұғалімнің сол хаты­нан үлкен үзінді келтірді.

Біріншіден, О.Александрованың мәліметінше, дәптерлерді тексергені және сыныпқа жетекшілік еткені үшін ұс­таздарға берілетін үстемеақы мөлшері мұ­ғалімдердің интеллектуалдық және уақыттық шығындарына мүлдем сәйкес келмейді. Мәселен, сыныпқа жетекшілік үшін қосылатын ақы айына небары 4 000 теңгені құрайды. Ал міндет ауқымы зор. Оған күнделіктерді тексеру, әртүрлі іс-шаралар өткізу, сынып сағаттарын, сон­дай-ақ музейге, театрға саяхаттарды ұйым­дастыру, ата-аналар жиналысын дайын­­дау, ата-аналармен және бала­лар­мен жеке әңгіме жүргізу, сенбіліктерге қатысу және басқа да шаралар кіреді.

Күніне 50 дәптерді, оқушылардың формативтік жұмыстарын, карталарды, суммативтік жұмыстарын тексеру небәрі 3 500 теңгеге бағаланады. Айта кету керек, ұстаздардың мек­теп­тердегі еңбегіне лайықты ақы төлеу мәселесі 2017 жылы Мәжілістегі Үкімет сағатында талқыланды және үстемеақы төлеу жүйесін қайта қарау туралы ұсы­нымдар берілді.

Бұл ретте мұғалімдердің педагогтік жүктеме аясындағы жұмысының мар­дым­сыз бөлігіне ғана ақы төленеді. Ал сыныптан тыс жұмыстары мүлдем қар­жы­ландырылмайды. Оның үстіне, кани­кулдағы демалысы сан алуан іс-шара­лар­ға, кеңестерге, есептерге шығын­далады. Екіншіден, электронды есептілік сыр­тында қағаз түріндегі есептерді әзір­леуге де мұғалімдердің көп уақыты жұм­салады. Олар сондай-ақ жоғары тұрған органдар үшін мәліметтер жинаумен ай­налысады. Ұстаздар міндетті құжаттарға жатпайтын сантүрлі кестелік материал­дарды тол­тыруға мәжбүр.

Үшіншіден, мектептердегі жария емес рейтингтер мұғалімнің уақытын алып қана қоймай, сонымен бірге, шы­найы көрсет­кіштердің бұрмалануына септеседі. Әрбір тоқсан сайын оқу ісінің меңгерушісі мен мектеп директоры білім бөлімдеріне оқу­шылардың оқу үлгерімі туралы есептер тапсырып отырады. Пе­дагогтар мұндай рейтингтердің қанша­лықты орындылығы туралы әділ сұрақ қояды.

Төртіншіден, рейтинг қуалап, сон­дай-ақ аттестаттаудан өту үшін тиісті порт­фолио қалыптастыру мақсатында мек­тептер әкімшілері ұстаздарды әртүрлі ұйымдар ұйымдастыратын сансыз көп ақылы байқауларға қатысуға мәж­бүрлейді.

«Мен бұл хатта шынымды айттым. Оның астына педагогтардың көбі қол қоя­ды деп ойлаймын. Мен бұған сенім­дімін», – дейді өскемендік мұғалім. Сондықтан депутаттық сауалда Үкімет басшысы Б.Сағынтаевтан мұ­ға­лім­дерді мазалайтын барлық мәселелерді «Педагог мәртебесі туралы» жаңа заң жобасында ескеру сұралады. Өйткені Елбасы педагог кәсібін беделді және қоғамда құрметті мамандыққа айналдыру міндетін қойды.

Айхан ШӘРІП
“Айқын” газеті 

ОҚИ ОТЫРЫҢЫЗДАР

  • Балабақшаларға деген қажеттілік МЖӘ арқылы шешіліп жатыр – вице-министр

    Балабақшаларға деген қажеттілік МЖӘ арқылы шешіліп жатыр – вице-министр

    Елімізде биылғы жылдың алғашқы 6 айында 565 мемлекеттік-жекеменшік әріптестік туралы келісім жасалды, олардың басым бөлігі білім беру саласында. Бұл туралы бүгін Үкіметтің баспасөз мәжілісінде ҚР ұлттық экономика министрінің орынбасары Мәди Тәкиев мәлімдеді. Оның айтуынша, соңғы төрт жылда республикада мемлекеттік-жекеменшік әріптестік арқасында мектепке дейін мекемелерге (балабақша) деген шұғыл қажеттілік мәселесі шешілген. «1 шілдедегі жағдай бойынша мемлекеттік-жекеменшік әріптестік аясында 1,29

  • Педагог қазақ қыздары ауылға аттанды

    Педагог қазақ қыздары ауылға аттанды

    Алматыдағы Қазақтың Мемлекеттік әйелдер педагогика институтын жақында 71 қазақ қызы бітіріп шықты. Олардың көпшілігі алыстағы қазақ аудандарындағы орта мектептерге оқытушылық қызметіне аттанды. Бүгін газетімізде институтты тұңғыш рет бітіріп шыққан жас педагог қыздарға арналған материалдар және оқуды отлично бағамен аяқтағандардың пікірлерін беріп отырмыз. Жарқын өмірге жолдама Қазақтың мемлекеттік әйелдер институтын тұңғыш рет бітіріп, үлкен өмірге маңызды

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog