|  | 

Білім жарысы

Өнер додасына физика-математика мектебінің талантты оқушысы қатысып, бәйгенің алдында келді

Киевте балалар арасындағы Еуровидения академиясының ұйымдастыруымен өткен халықаралық «Поколение Junior» телевизиялық байқауында 12 жастағы алматылық Камилә Жүсіпова Гран-при иеленді.

Өнер додасына физика-математика мектебінің талантты оқушысы қатысып, бәйгенің алдында келді. Ол 7 жасынан ән айтумен айналысады. Бұған дейін 7 республикалық, халықаралық байқауда топ жарып үлгерген. Украинада өткен байқауда Камилә бір апта бойы бәсекелестерімен бас жүлде үшін таласты. 7 мемлекеттен келген 11 үміткердің ішінде озық шығып, жарыстың мәресінен көрінді. Ұстазы Ләйла Болаттың айтуынша, ең мықты бәсекелес Израильден келген жас өнерпаз болыпты. Олар бас бәйгені ешкімге бермейтінін де ашық жариялаған. Сәтін салғанда, отандасымыз азулы әншінің алдын орап, өзінің мықтылығын дәлелдей білген.

Никитин бастаған қазылар алқасы бірауыздан Камиләнің өнерін жоғары бағалапты. «Океан Эльзы» тобының «Не твоя война» әні мүлтіксіз орындалып, көпшіліктің қошеметіне ие болған. Камилә өзіне украин тіліндегі әндерден бөлек, ұлттық мұраларымыз бен қазіргі таңдағы танымал әндер мен билердің ұнайтынын айтады. Сонымен қатар, джаз жанры да көңіліне жақын. Гитара аспабында ойнап, өзі де ән шығарып, музыка жазатын қабілетке ие. Енді жеңімпаз ретінде Сан-Ремода өтетін байқаудың ақтық мәресінде бақ сынау мәртебесіне ие болып отыр. Бұйыртса, Камилә Италияда да жарқырап көзге түсетін күн алыс емес.

 

Қаншайым БАЙДӘУЛЕТ
“Айқын” газеті

ОҚИ ОТЫРЫҢЫЗДАР

  • Республикалық “QAZBILIM” олимпиадасы өтеді

    Республикалық “QAZBILIM” олимпиадасы өтеді

    Нәтижесінде 60 оқушыға жылдық “QAZBILIM” гранты беріледі.  Білім – таза бизнеске айналмауы керек, бұл – біздің орталықтың басты ұстанымы. Қазбілім – қазақ баласына мүмкіндік сыйлауы керек, бұл – Қазбілім ұжымының басты мақсаты. Осы мақсатта үш жылдан бері QAZBILIM жылдық грантын беріп келеміз. Ол мектепте жақсы оқитын, бірақ отбасы жағдайы ақылы дайындықты көтермейтін балаларға мүмкіндік сыйлау

  • Семейлік оқушының зерттеу жұмысы Ресейден жүлдемен оралды

    Семейлік оқушының зерттеу жұмысы Ресейден жүлдемен оралды

    Семей қаласындағы физика-математика бағытындағы Назарбаев Зияткерлік мектебінің оқушысы Ришат Еркінбек ХХ бүкілресейлік жоғары сынып оқушыларының байқауынан жүлделі оралды 10-сынып оқушысы «Ғылым мен техникадағы жас зерттеушілер» атты зерттеу жұмыстары байқауына «Желілік эрозия» атты жобасымен қатысты. Ол осы арқылы тиісті сала мамандарының назарын Бородулиха ауданы, Новопокровка ауылындағы жыралардың пайда болуы мен оның қоршаған ортаға тигізетін әсеріне аударғысы

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog