|  | 

Жаңалық

Ерлан Сағадиев: Келесі жылдың қаңтар айынан бастап ҰБТ бірнеше рет өткізіледі

Магистратурада енді гранттар студенттерге беріледі және олардың ЖОО-ын таңдау мүмкіндігі болады. Бұл туралы ҚР Білім және ғылым министрі Ерлан Сағадиев Үкімет отырысында айтты деп хабарлайды Baq.kz сайты.

Министр жиын барысында Президенттің гранттар санын көбейтуге және техникалық, ауыл шаруашылығы гранттарының деңгейін көтеруге қатысты тапсырмасы орындалғанын және жоғарғы білім алуға қол жеткізу үшін бірқатар шаралар қабылданып жатқандығын жеткізді.

«Біріншіден, келесі жылдан бастап ҰБТ қаңтар айында басталып бірнеше рет өткізіледі. Екіншіден, мектеп түлектеріне шартты түрде қаңтардан бастап ақылы негіздегі оқуға түсуге мүмкіндік беріледі. Үшінші, ЖОО-да шетел азаматтарының оқу жылы кезінде оқуға қабылдау мүмкіндігі қарастырылған. Төртінші, шетел азаматтары үшін шәкіртақыны енгізу, оның ішінде қазақ диаспорасына. Қазақстандық ЖОО-да білім алуға мүмкіндік беру. Бесінші, магистратураға қабылдаудың жаңа моделін енгізу. Оның негізі бакалавриатқа қабылдау моделіне ұқсас. Магистратурада енді гранттар студенттерге беріледі және олардың ЖОО-ын таңдау мүмкіндігі болады», -деді ол.

Е. Сағадиев осы жұмыстардың нәтижесінде ШҚО-да шетелге оқуға кететін балалардың саны 3 есе азайғанын айтты, яғни былтыр 1800 бала шетелге білім алуға кетсе, биыл ол көрсеткіш 630 дейін төмендеген.

Сонымен қатар ол, Елбасының студенттерді жатақхана орындарымен қамтамасыз ету жөніндегі тапсырмасы да орындалып жатқандығын айтып өтті. «Ол үшін барлық қажетті нормативтік-актілер қабылданды, қаржыландыру мәселесі шешілді. Кеше ең алғашқы 7 ЖОО-мен және 2 жеке меншік компаниямен 4 мыңға жуық орынға арналған шарттарға қол қойылды. Жатақхана салу жұмыстары басталып кетті. Республика бюджетінің жобасында алдағы 3 жылдық кезеңіне мемлекеттік тапсырысты орналастыру үшін жалпы 15 млрд теңге бөлу көзделіп отыр. Жалпы 10 жылдың ішінде 75 мың орынға арналған жатақханаға 1 53 млн теңге бөлу көзделген», -деді министр.

ОҚИ ОТЫРЫҢЫЗДАР

  • Республикалық “QAZBILIM” олимпиадасы өтеді

    Республикалық “QAZBILIM” олимпиадасы өтеді

    Нәтижесінде 60 оқушыға жылдық “QAZBILIM” гранты беріледі.  Білім – таза бизнеске айналмауы керек, бұл – біздің орталықтың басты ұстанымы. Қазбілім – қазақ баласына мүмкіндік сыйлауы керек, бұл – Қазбілім ұжымының басты мақсаты. Осы мақсатта үш жылдан бері QAZBILIM жылдық грантын беріп келеміз. Ол мектепте жақсы оқитын, бірақ отбасы жағдайы ақылы дайындықты көтермейтін балаларға мүмкіндік сыйлау

  • 15 мың мұғалім төленбей келген 176 млн теңге үстемеақыларын алды

    15 мың мұғалім төленбей келген 176 млн теңге үстемеақыларын алды

    Еліміздің прокуратура органдарының қадағалау актісі бойынша педагогтарға 176 млн  теңгеден астам төленбеген үстемеақы төленді. Бұл жайында ҚР Бас прокуратурасынан мәлім болды «Прокуратура органдары жалпы білім беретін мекемелер қызметкерлерінің еңбек құқықтарының сақталуын талдау барысында еліміз бойынша 15 305 педагогқа 2016-2018 жылдардағы оқу кезеңінде инклюзивті білім беру аясында ерекше білім берілуіне қажеттілігі бар балалармен жұмыс істегені үшін

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog