|  | 

Жаңалық

Фердауси мектебіндегі жағдай тұрақтанды ма?

Түркістан облысы, Мақтаарал ауданы Фердауси елді мекенінде орналасқан А.Фердауси атындағы жалпы орта мектебіндегі жағдай тұрақтанды, деп хабарлайды облыстық білім басқармасы.

«А.Фердауси атындағы жалпы орта мектепте 700 оқушы білім алса, соның 371-і – қыз балалар. Олардың барлығы дерлік мектепке діни атрибуттық белгілері бар формамен келіп жүрген. Жүйелі жұмыстың нәтижесінде 4 қыркүйек күні бастауыш сыныпта оқитын (1-4 сыныптар) қыз балалардың барлығы талапқа сәйкес формаға көшті. Ал, жоғары сыныпта оқитын қыз балалардың 165-і бірыңғай мектеп формасын сақтап, сабаққа қатысып отыр. Сондай-ақ, мектеп формасын сақтамаған 60 қыз баламен мамандар жұмыс жүргізіп жатыр» делінген облыстық білім басқармасы таратқан хабарламада.

Білім жəне ғылым министрінің «Орта білім беру ұйымдары үшін міндетті мектеп формасына қойылатын талаптарды бекіту» туралы 2016 жылғы 14 қаңтардағы бұйрығын сақтау туралы түсіндіру жұмыстары тұрақты түрде жүргізілген. Мәселені шешу үшін аудан әкімдігі және облыстық білім, ішкі саясат, отбасы, балалар және жастар ісі жөніндегі басқармаларының қатысуымен арнайы жұмысшы топ құрылып, нақты іс-шара жоспары бекітілді. Топтың құрамына облыстық деңгейдегі құқық қорғау органдарының қызметкерлері де қосылды.

А.Фердауси атындағы жалпы орта мектепте 3 қыркүйектен бастап бірыңғай мектеп формасын сақтамаған оқушыларға білім ұясына кіруге тыйым салынды. Сондай-ақ, 3 күн бойы мектептен қалған оқушылардың ата-аналарына айыппұл салу шаралары жүргізіліп жатыр.

 

 

ОҚИ ОТЫРЫҢЫЗДАР

  • Республикалық “QAZBILIM” олимпиадасы өтеді

    Республикалық “QAZBILIM” олимпиадасы өтеді

    Нәтижесінде 60 оқушыға жылдық “QAZBILIM” гранты беріледі.  Білім – таза бизнеске айналмауы керек, бұл – біздің орталықтың басты ұстанымы. Қазбілім – қазақ баласына мүмкіндік сыйлауы керек, бұл – Қазбілім ұжымының басты мақсаты. Осы мақсатта үш жылдан бері QAZBILIM жылдық грантын беріп келеміз. Ол мектепте жақсы оқитын, бірақ отбасы жағдайы ақылы дайындықты көтермейтін балаларға мүмкіндік сыйлау

  • 15 мың мұғалім төленбей келген 176 млн теңге үстемеақыларын алды

    15 мың мұғалім төленбей келген 176 млн теңге үстемеақыларын алды

    Еліміздің прокуратура органдарының қадағалау актісі бойынша педагогтарға 176 млн  теңгеден астам төленбеген үстемеақы төленді. Бұл жайында ҚР Бас прокуратурасынан мәлім болды «Прокуратура органдары жалпы білім беретін мекемелер қызметкерлерінің еңбек құқықтарының сақталуын талдау барысында еліміз бойынша 15 305 педагогқа 2016-2018 жылдардағы оқу кезеңінде инклюзивті білім беру аясында ерекше білім берілуіне қажеттілігі бар балалармен жұмыс істегені үшін

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog