|  | 

Білім жарысы

ҰБТ-2018: Қазақстан бойынша Ұлттық бірыңғай тестілеуде орташа балл – 83.

Биыл Қазақстан бойынша Ұлттық бірыңғай тестілеуде орташа балл – 83,1. Бұл туралы Орталық коммуникациялар қызметінде өткен баспасөз мәслихатында ҚР Білім және ғылым министрлігінің «Ұлттық бірыңғай тестілеу» РМҚК директоры Рамазан Әлімқұлов айтып берді, – деп хабарлайды kazbilim.kz.

«Жалпы, биыл ҰБТ 167 пунктте өткізілді. Соның ішінде колледждер базасында – 3, жоғары оқу орындары базасында – 48, мектептер базасында – 116 пункт болды. Биыл ҰБТ-ға қатысуға 102 мың 447 түлек өтініш жазған. Яғни 102 447 түлектің 98 698-і немесе 96%-і Ұлттық бірыңғай тестілеуге қатысты. Оның ішінде ҰБТ-ны 77 мың 224 түлек яғни 75%-і қазақ тілінде, 25 177 түлек, яғни 25%-і орыс тілінде тапсырды. Нәтижесінде тестілеуден шекті балды алған түлектердің саны – 84 065 немесе 85%. Өкінішке қарай, шекті балды алмағандардың саны – 14 633 немесе 14%. Сондай-ақ, 9 түлектің ҰБТ нәтижесі жоққа шығарылды. Қазақстан бойынша Ұлттық бірыңғай тестілеуде орташа балл – 83. Былтыр ол 80,5% болған, – деді ол.

Сондай-ақ, биыл Алғаш рет ҰБТ-ны ағылшын тілінде тапсырамын деген 46 өтініш түсті. Бірақ 28 түлек қана ҰБТ-ны ағылшын тілінде тапсырды. Оның ішінде 5 оқушы Астанадан, 7 оқушы Атыраудан, 6 оқушы Шымкенттен және қалғандары басқа қалалардан қатысты. ҰБТ-ны ағылшын тілінде тапсырғандардың орташа балы – 85, – деді Рамазан Әлімқұлов.

Орталықтың директоры ҰБТ-ны тапсыра алмаған түлектер енді тестті екінші рет қашан тапсыра алатынын айтты.

– Олар 25 шілде мен 3 тамыз аралығында ҰБТ-ны екінші рет тапсыруға өтініш бере алады. Емтиханды тапсыра алмағандар 15 тамыз бен 19 тамыз аралығында ақылы негізде оқу үшін ҰБТ-ны қайта тапсырады. Егер одан өтпей қалса, онда қыста қайтадан өтініш беріп тапсыра алады, – деді.

Қалалар бойынша ҰБТ-дан ең жоғары көрсеткішті иеленген Алматы түлектері. Ал ең көп таңдалған пәндер комбинациясы-физика математика (26,7% түлек таңдады). Берілген пәндер 52 мамандық бойынша оқуға түсуге мүмкіндік береді. Ал ең кең таралмаған пәндер комбинациясы математика-география, бұл таңдау 18 мамандық бойынша оқуға түсуге мүмкіндік береді.

Айта кетейік, биыл ҰБТ-дағы шекті балл 50 өзгеріссіз қалады. Естеріңізге сала кетейік, Биыл тек жалғыз түлек Алматылық  Шиара Құдайбергенова 25 маусымда Ұлттық аграрлық университет базасында  ҰБТ тапсырып, 140 балл алды. Ол мектепте үлгерімі жоғары оқушы саналғанымен, Алтын белгіге үміткерлер қатарында болмаған.

Қазбілім ақпарат. 

 

ОҚИ ОТЫРЫҢЫЗДАР

  • Қазақстан оқушылары математика бойынша әлемнің үздік 10 елінің қатарына кірді

    Қазақстан оқушылары математика бойынша әлемнің үздік 10 елінің қатарына кірді

    Қазақстан оқушыларының математика-жаратылыстану ғылыми сауаты бойынша әлемнің үздік 10 елінің қатарына кірді. Бұл туралы ҚР Білім және ғылым министрі Асхат Аймағамбетов айтты, деп хабарлайды ҚазАқпарат. Посткеңестік елдерде кадр дайындау жүйесі еңбек нарығының талаптарына сай емес, мемлекеттік реттеу тым артық, ал оқыту негізінен академиялық сипатқа ие» деген пікір бар. Шынымен де, бұл сын әділ. Аталған проблеманы

  • ҰБТ: Бір ғана талапкер 140 балл жинай алды

    ҰБТ: Бір ғана талапкер 140 балл жинай алды

    Ұлттық бірыңғай тест тапсырған түлектерден республикалық апелляциялық комиссияға 111 өтініш түсті. Бұл туралы бүгін ҚР БҒМ Жоғары және жоғары оқу орнынан кейінгі білім департаментінің директоры Әділет Тойбаев айтты. 20 маусымнан бастап елімізде ҰБТ басталды. Бүгінгі күнге дейін бес лек өтті. Бүгін тестілеудің алтыншы күні өтіп жатыр.  Тестілеуге өтініш берген 74 365 түлектің 71 227-сі қатысты.

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog