Home >> Керекті кеңес >> Балаларды 1-сыныпқа қабылдау ережесі өзгерді
Балаларды 1-сыныпқа қабылдау ережесі өзгерді

Білім және ғылым министрлігі балаларды бірінші сыныпқа қабылдау ережесіндегі толықтырулар мен өзгертулерді жариялады, деп хабарлайды министрліктің баспасөз қызметі.
«Бастауыш, негізгі орта және жалпы орта білім беру ұйымдарына оқуға қабылдау қағидаларына сәйкес, жалпы білім беретін оқу бағдарламасын іске асыратын білім беру ұйымдары дайындық деңгейіне қарамастан, білім беру ұйымдарының қызмет көрсету аумағында тұратын жеті жасқа толған және ағымдағы жылы алты жасқа толатын балалардың бірінші сыныпқа қабылдануын қамтамасыз етеді», — делінген баспасөз қызметінің ресми хабарламасында.

Яғни, қыркүйек-желтоқсан айларында туған балалар биылдан бастап 1 сыныпқа бара алады. Өйткені балалар күнтізбелік жылдың соңына дейін алты жасқа толып, мектепке қабылдану құқығына ие болады.

«Білім алушының ата-аналары немесе өзге де заңды өкілдері білім алу үшін кез келген білім беру ұйымын таңдауға құқылы. Білім беру ұйымына қабылдаудан бас тартқан жағдайда, білім алушының ата-аналары немесе басқа заңды өкілдері жергілікті білім басқармаларына шағымдана алады», — деп хабарлады министрлік. Сондай-ақ, бірінші сыныпқа балаларды қабылдауға қажетті құжаттар тізімінен мекенжай анықтамасы алып тасталды. Құжаттарды қабылдау 1 маусым мен 30 тамыз аралығында жүргізіледі.

Ал, бұл өзгерістер туралы Республикалық KAZBILIM орталығы директоры Аятжан Ахметжанұлының пікірін сұраған едік, ол: 

— бала кемінде 6 жастан 6 ай аспай беруге болмайды. Баланың кішкене кезінде білінбеуі мүмікін, бірақ, баланың ерте миы қатю, 40 қа жетпей кәрілік белгі беру секілді құбылыстар болуы мүмкін. Ғылымда 6 жасқа дейін тек ойын түрлері қарастырлыған, қолына қалам алса тек сурет салуға кеңес береді. Бірақ өкінішке біздікілер 6 жастағы балаға 6 тіл үйреткісі келеді, — бұл үлкен қателік, — дейді ұстаз. 

Сіз балаңызды неше жаста оқуға беру өзіңіздің еркіңізде екенін ескертеміз.

Қазбілім ақпарат.

the author

Абай атамыздың сөзімен айтсақ: «білімдіден шыққан сөз, талаптығы болсын кез». Біз ортаға дәнекер бола алсақ – мақсатымыздың орындалғаны. Қадірлі оқырман сайт алаңында білім саласына байланысты өзекті деп санаған ойларыңызға орын береміз. Ұлт болашағына айтар ойларыңыз болса мархаббат.

Добавить комментарий

Ваш e-mail не будет опубликован.

  • Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз. E-mail: kazbilim@gmail.com
  • ZERO.KZ HotLog
Top