|  | 

Білім жарысы

Биыл «Алтын белгі» иегерлеріне басымдық берілмейді.

Биыл оқу грантын бөлгенде «Алтын белгі» иегерлеріне тек бір ғана басымдық берілетін болды, деп жазады Qamshy.kz ақпарат агенттігіне сілеме жасай отырып, Қазбілім орталығы баспасөз қызметі хабарлайды. Бұл туралы Парламент Мәжілісінде өткен жиында білім және ғылым министрі Ерлан Сағадиев айтты.

Министрдің сөзінше, биылғы оқуы жылын «Алтын белгімен» аяқтаған түлектер тек ҰБТ-да жинаған балына қарай грант иегері атана алады.

– Бұл – өте маңызды өзгеріс. Осы мәселе көп уақыттан бері талқыланып жүргені мәлім. Жаңа заңды Жоғары оқу орындарының академиктері қолдады, сонымен қатар депутаттардан да рұқсат сұрап, бұл өзгерісті қабылдадық. ҰБТ-ның алдында шығатын заңның өзгерісі – «Алтын белгіге» ие болған балаларға ҰБТ балының нәтижесі бойынша ғана, егер оның балы бірдей болса, оған грант бөлінеді. Яғни түлектер тек «Алтын белгі» иегері болғаны үшін Жоғары оқу орнына тегін грантқа ие бола алмайды, тек ҰБТ нәтижесі бойынша балл саны бірдей болып, бір орынға бірнеше үміткер таласқан жағдайда ғана «Алтын белгі» иегері ескеріледі», – деді Сағадиев.

Білім және ғылым министрі былтырғы оқиғаға да тоқталып өтіп, оқу гранттарын бөлгенде әділетсіздік болды деп көптеген ата-аналардың шағым жасағанын да атап өтті.

– Бұл өзгерісті енгізудегі басты мақсатымыз – биыл осындай келеңсіздіктерді болдырмау. Былтыр Астанаға көптеген ата-ана келіп, шағым түсірген еді, – деді Ерлан Сағадиев.

Білім және ғылым министрінің бұл бастамасына депутаттар бірауыздан қолдау білдірді. Дауыс беру нәтижесінде білім туралы заңға жаңа өзгерістер енгізілетін болды.

Білім және ғылым вице-министрі Асхат Қанатұлының айтуынша, ҰБТ-дан жоғары балл жинай алмаған, бірақ мектепті үздік бітірген түлектер «Алтын белгі» иегері болып қала береді.

– 5 сыныптан бастап мектеп қабырғасында үздік оқыған түлектерді бір сәтсіз сынақ үшін «Алтын белгісінен» айырмаймыз. Бірақ мектепті «Алтын белгімен» бітірген түлектер жаппай грантқа ие бола алмайды. Егер олардың ҰБТ-дан жинаған балы мектепті орташа көрсеткішпен бітірген түлектен аз болса, жоғары балл жинаған түлек грант иегері атанады. Ал көрсеткіші тең түскен жағдайда «Алтын белгі» иегеріне грант беріледі», – деді вице-министр.

 kazbilim.kz

ОҚИ ОТЫРЫҢЫЗДАР

  • Астаналық оқушылар Кореядағы интеллектуалдық олимпиадада 21 медаль жеңіп алды

    Астаналық оқушылар Кореядағы интеллектуалдық олимпиадада 21 медаль жеңіп алды

    Астана мектептерінің оқушылары Кореяда өткен интеллектуалдық олимпиадада барлық 21 медаль жеңіп алды. Тэджон қаласында өткен халықаралық олимпиадаға елорданың әртүрлі мектептерінен 21 оқушы қатысты. Олар математика, биология, химия, экономика пәндері бойынша өз жұмыстарын таныстырды. «Барлық оқушылар жұмыстарын ағылшын тілінде таныстырды. Біздің талантты балаларымыз осымен бесінші жыл Тэджон қаласында өнер көрсетуде», – деді «Астана Дарыны» ғылыми-практикалық орталығының

  • Түркістандық 9 оқушы халықаралық жарыста жүлде еншіледі

    Түркістандық 9 оқушы халықаралық жарыста жүлде еншіледі

    Алматы қаласында әл-Фараби атындағы Қазақ Ұлттық университетінде Өмірбек Жолдасбеков атындағы ІХ халықаралық математика және механикадан ғылыми-зерттеу сайысы өтті. Бұл туралы әкімдіктің баспасөз қызметі хабарлады. Дәстүрге айналған байқау атақты ғалым, көрнекті қоғам қайраткері Ө. Жолдасбековтің ескерткішіне гүл шоқтарын қоюдан басталды. Байқауға Қырғызстан, Тәжікстан, Әзербайжан және Қазақстанның барлық аймақтарынан  200- ге жуық мектеп оқушылары қатысты. Байқаудың мақсаты

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog