|  | 

Жаңалық

Жаңа Білім және ғылым вице-министрі тағайындалды.

ҚР Үкіметінің қаулысымен Талғат Ілиясұлы Ешенқұлов уақытша, Эльмира Амангелдіқызы Суханбердиеваның бала күтіміне байланысты демалысқа шығуы кезеңінде ҚР білім және ғылым вице-министрі болып тағайындалды, – деп хабарлайды Қазбілім орталығы тілішісі primeminister.kz сайтына сілтеме жасап.

Талғат Ешенқұлов 1978 жылы Жамбыл облысында дүниеге келген.

1999 жылы М. Х. Дулати атындағы Тараз мемлекеттік университетін, 2000 жылы — «Қайнар» университетін, 2010 жылы — ҚР Президенті жанындағы Мемлекеттік басқару академиясын тәмамдаған.

Экономист, заңгер, мемлекеттік және жергілікті басқару магистрі, мемлекеттік және жергілікті басқару бағыты бойынша доктор (PhD) біліктілігіне ие. Қазақ, орыс, ағылшын тілдерінде сөйлейді.

Еңбек жолын 1997 жылы Жамбыл облысының Тараз қаласындағы «Алма» АҚ-да бастаған, Жамбыл облысы Әділет басқармасында, Қаржы министрлігінде, Білім және ғылым министрлігінде, Жоғарғы Кеңесте, Қоршаған ортаны қорғау министрлігінде, ҚР Есеп комитетінде түрлі лауазымдарды атқарған.

Тағайындалғанға дейін ҚР Білім және ғылым министрлігінің Білім және ғылым саласындағы бақылау комитеті төрағасының орынбасары қызметін атқарған.

 

Естеріңізге сала кетейік, бұған дейін Эльмира Амангелдіқызы Суханбердиеваның “Болашақ” бағдарламасымен оқуға кетуіне байланысты оның орнына уақытша Асхат Қанатұлы Аймағамбетов тағайындалған. Дәл қазіргі кезде ҚР Білім және ғылым министрлігінің ресми сайтындағы мәлметке негізделгенде министр Сағадиев Ерлан Кенжеғалиұлының үш орынбасары бар. Олар Бибігүл Амангелдіқызы Асылова, Асхат Қанатұлы Аймағамбетов және Асланбек Кемеңгерұлы Амрин. Ешқандай орынбасардың қызметтен босатылғаны туралы ресми ақпарат таратылған жоқ, соған негізделгенде Талғат Ешенқұлов жоғарыдағы үшеунің қатарын толықтырды.

ОҚИ ОТЫРЫҢЫЗДАР

  • Педагог қазақ қыздары ауылға аттанды

    Педагог қазақ қыздары ауылға аттанды

    Алматыдағы Қазақтың Мемлекеттік әйелдер педагогика институтын жақында 71 қазақ қызы бітіріп шықты. Олардың көпшілігі алыстағы қазақ аудандарындағы орта мектептерге оқытушылық қызметіне аттанды. Бүгін газетімізде институтты тұңғыш рет бітіріп шыққан жас педагог қыздарға арналған материалдар және оқуды отлично бағамен аяқтағандардың пікірлерін беріп отырмыз. Жарқын өмірге жолдама Қазақтың мемлекеттік әйелдер институтын тұңғыш рет бітіріп, үлкен өмірге маңызды

  • Білім министрі баланы алты жасынан мектепке қабылдауға қатысты пікір білдірді

    Білім министрі баланы алты жасынан мектепке қабылдауға қатысты пікір білдірді

    ҚР Білім және ғылым министрі Асхат Аймағамбетов балаларды 6 жасынан мектепке қабылдау тәртібіне қатысты түсінік берді, Бұдан бұрын хабарланғандай, Адам құқықтары жөніндегі уәкіл Асқар Шәкіров балаларды 6 жастан мектепке қабылдауға қатысты министрге үндеу жолдаған еді. «Омбудсменнің үндеу хатына тоқталсақ, бұл ақпаратты жаңалықтардан оқыдым. Менің ойымша, біз бұл үндеуді ресми түрде қарастырып, белгіленген тәртіпте жауабын береміз. Өздеріңіз

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog