|  |  | 

Үздік Ұстаз

Ұлт руханиятына қосылған қазына

13 желтоқсан Ұлттық академиялық кітапханада Таңжарықтану ғылымының негізін салған белгілі әдебиеттанушы ғалым, жазушы және фолклоршы Оразанбай Егеубаевтің Бес томдық шығармалар жинағының тұсаукесері өтті.

Шығыс Түркістандағы қазақ әдебиетінің жарық жұлдызы Таңжарық Жолдыұлының өмірі мен шығармаларын зерттеуге өмірін арнаған Оразанбай Егеубаев елімізге қазақ фолклорының жинаушы һәм зерттеушісі ретінде де жақсы таныс. Азат рухтың алдаспанындай болған Таңжарық ақынның ел арасындағы мұрасын жинап-теріп, тұңғыш толық жинағын шығарған  да ғалым Оразанбай Егеубаев болатын. Кейіннен жарық көрген барлық жинақтар осы академиялық жинақтың негізінде құрастырылып жүр.

Шығыс Түркістан қазақтарының асыл мұраларын қазақтың бай мәдени мұраларының қатарына қосып, ұлттың рух байлығын түгендеу де кезек күттірмейтін міндет. Әлемде теңдесі жоқ жоба «Бабалар сөзі» жүз томдығына  он бес томдық мұра Шығыс Түркістан қазақтары фолклорын әкеп қосқан, сол томдардың редакторлық қызметін де қоса атқарды. Бір иниституттың атқаруға тиісті міндетін өзі атқарған  ғалымның қазақ мәдениетіне қосқан үлесі өлшеусіз.

Сонымен бірге Оразанбай Егеубаев жазушы ретінде де бірнеше романдар мен хикаяттардың авторы. Оның прозалық шығармалары да оқырманды бейжай қалдырмай, ерекше толғандырған сәтті туындылар қатарына жатады. Ғалымның бұл бес томдығы әке аманатына адал ұрпағы Айдын Оразанбайұлы мен Айнұр Оразанбайқызының мұрындық болуымен және Оразанбай Егеубаевтің досы, жазушы Сәли Сәдуақасұлының құрастыруымен оқырманға қауышып отыр.

Бес томдықтың таныстырылымына қазақ әдебиетінің белгілі өкілдері ақын, мемлекеттік сыйлықтың иегері Несіпбек Айтұлы, тарих ғылымдарының докторы, профессор, жазушы Тұрсынхан Зәкенұлы қатарлы тұлғалармен қатар оқырман қауым мен бұқаралық ақпарат құралдарының өкілдері қатысты. Кешті алаштанушы ғалым, профессор Тұрсын Жұртбай жүргізді.

Саналы ғұмырын қазақ мәдениеті мен әдебиетін зерттеу мен насихаттауға арнаған қажырлы ғалымның шығармаларының оқырман көппен қауышуы ұлт мәдениеті үшін сүйіншілі жаңалық.

Ербол Алшынбай

kazbilim.kz

ОҚИ ОТЫРЫҢЫЗДАР

  • Күләш Шәмшидинова үш баланы өрттен құтқарған студентті марапаттады

    Күләш Шәмшидинова үш баланы өрттен құтқарған студентті марапаттады

    ҚР Білім және ғылым министрі Күләш Шәмшидинова үш баланы өрттен құтқарған студент Нұрсұлтан Исмағұловты марапаттады, деп хабарлайды Қазбілім министрліктің баспасөз қызметіне сілтеме жасап. Л.Гумилев атындағы ЕҰУ ақпарат және технологиялар факультетінің 2 курс студенті, 21 жасар Нұрсұлтан Исмағұлов Нұр-Сұлтан қаласындағы көпқабатты үйлердің бірінен шыққан өрт кезінде батылдық танытып, үш баланың өмірін сақтап қалған болатын. Оқыс оқиға

  • Петропавлда мектеп ұстазы батырлар киген сауытты жасап шықты

    Петропавлда мектеп ұстазы батырлар киген сауытты жасап шықты

    Ерғали Сәткенов – солтүстікқазақстандықтарға ағаштан түйін түйетін, темірді балшықша илейтін шебер ретінде жақсы таныс. Оның қолынан шыққан дүниелер түрлі көрмелерде көрермен көзайымына айналған. Бұл жолы ол қазақ батырлары орта ғасырларда киген салмағы 10 келіге жуық темір сауытты жасап шықты. Оған қажетті 560 пластинаның әрқайсысын қолмен қиған. Қалыңдығы 4 мм болғандықтан сауытты жебе тесе алмайды, қылыш

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog