|  |  | 

Үздік Ұстаз

Павлодарлық айтыскер ақынның математика пәніне арналған оқулығы Астанада үлкен сұранысқа ие болуда…

Павлодарлық жас ғалым Серікболсын Дүйсембай Назарбаев Зияткерлік мектептері мен қазақ-түрік лицейлеріне түсушілерге арналған тест тапсырмалары мен логикалық есептер жинағын жарыққа шығарды, деп хабарлайды pavlodarnews.kz тілшісі.
Серікболсын Дүйсембай бүгінде Астана қаласындағы Н. Назарбаев университетінің электроника және электротехникалық инжерения факультетінің 4-курс студенті.    

rs95SMVOZms.a1762bf7cb196e15ffcd4a1b4e9173c416140– Бұл кітап 360 беттен тұрады. Мұнда екі мыңға тарта мәтіндік және логикалық есептер бар. Сондай-ақ оқулықта кеңістікте ойлау қабілетін арттыратын есептер де орын алған. Әзірге жүз данасы жарық көрді. Баспаға жұмсалған қаражатты өзім көтердім. Елордада оқулыққа деген сұраныс күн санап артуда. Сондықтан алдағы уақытта бұл кітапты бірнеше есеге арттыру ойда бар, – дейді С. Дүйсембай.
Автордың айтуынша, қазақ тілінде ғана жарық көрген оқулық қазіргі таңда орыс тіліне аударылып, көп ұзамай екі тілдегі нұсқасы ұсынылмақ.

Серікболсынның төртінші жыл қатарынан математика және ағылшын тілі пәндері бойынша дайындап жүрген шәкірттерінің 90 пайызы қалаған оқу орындарының студенттері атануда.

Айта кетерлігі, Ы. Алтынсарин атындағы дарынды балаларға арналған облыстық қазақ гимназия-интернатының түлегі Серікболсын Дүйсембай – Үндістанда өткен халықаралық жас ғалымдар конференциясының бірінші орын иегері, республикалық олимпиадалардың жеңімпазы, Болгарияда өткен халықаралық студенттер олимпиадасының бір күміс, екі қола жүлдегері.

Сонымен қатар жас болса да айтыс өнерінде де бағын сынап жүрген ақын жігіт ХІ халықаралық «Шабыт» шығармашыл жастар фестивалінде «Үздік әдеби шығарма» сыйлығына ие болған. Талдықорғанда өткен «Жыр алыбы – Жамбыл» атты республикалық оқушылар айтысының және Шапық Шөкиннің 100 жылдығына арналған аймақтық ақындар айтысының бас жүлдегері.

2010 жылы Серікболсынның «Туған жер, бесік дүние» атты алғашқы өлеңдер жинағы шыққан.

Абзал Қабдраш

pavlodarnews.kz

Ескерту: кітапты 8775 431 8008 нөмеріне хабарласып топ және жеке бағамен сатып алуға болады. 

ОҚИ ОТЫРЫҢЫЗДАР

  • Астанадағы батыр оқушы Парламент Сенатына келді

    Астанадағы батыр оқушы Парламент Сенатына келді

    ҚР Парламенті Сенатының депутаттары оқушы Нәдір Омарғазиевпен кездесті. Бұл туралы ҚазАқпарат агенттігі хабарлады. Атап айтқанда, Қазақстандағы бала құқықтары жөніндегі уәкіл, сенатор Сәуле Айтпаева жас жеткіншекке Алғыс хат табыстап, кітап сыйлады. Сенатор жас батырға Парламенттің жұмысы туралы айтып, өзінің әріптестері, Конституциялық заңнама, сот жүйесі және құқық қорғау органдары комитетінің төрағасы Георгий Кимді, депутаттар Нұрлан Бекназаров пен

  • Павлодар облысының оқушылары ғаламшарды зерттейтін робот жасады

    Павлодар облысының оқушылары ғаламшарды зерттейтін робот жасады

    Павлодар облысының оқушылары «Жұлдыздар бізге сәуле шашады» атты жас астрономдар форумында ғарышты игеруге арналған ғажайып жобаларын көрсетті, деп хабарлайды ҚазАқпарат агентігі. Павлодар облыстық Білім басқармасының хабарлауынша, биылғы төртінші форумға дарынды 45 оқушы қатысты. Екібастұздағы мамандандырылған «Зерде» мектебінің оқушылары Диана Каримова мен Зарина Мейрашева таңдаған «Кардиостимуляторды модельдеу» атты күрделі тақырып көпшілікті таңғалдырды. «Майқайың кентінен келген Камила Серікова

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog