|  | 

Керекті кеңес

Аслан Сәрiнжiпов. Биылғы ҰБТ сауалдары сапалы құрылғанына сенімдімін.

2014 жылы жоғарғы оқу орнына түсемін деген талапкерлерге ел бойынша жалпы 34 мыңға жуық бiлiм гранты бөлiнiп отыр. Бұл туралы бүгiн Орталық коммуникациялар қызметінде өткен брифингiде ҚР Бiлiм және ғылым министрi Аслан Сәрiнжiпов мәлiм етті.

41b0e9667f6ff45368fd9900e36«Биыл 34 мыңға жуық бiлiм гранты бөлiнді. Оның 12 мыңы – техникалық мамандықтарға, 5 мыңы – педагогикалық, 2600-ге жуығы ауыл шаруашылығы мамандықтарына бөлiндi», – дедi Аслан Сәрiнжiпов.
Министрдің айтуы бойынша, білім гранты оқу орнына емес, талапкерге тікелей беріледі. Ал шекті бал өзгеріссіз қалған.
«Биылғы жылы ұлттық жоғары оқу орындарына түсу үшін шектi балл 70 балл, аграрлық жоғары оқу орындарына 60 балл, қалғандарына 50 балды құрап отыр», – деп толықтырды министр.
Министр сондай ақ, соңғы кездері тестілеуде кезігіп жүрген мәнсіз сұрақтар жайына да тоқталды. Аслан Сәрінжіповтің айтуынша, биылғы ҰБТ-ға енгізілген жаңа сұрақтар сапалы болады.
«2014 жылғы ұлттық бірыңғай тестілеуге 14 238 қосымша тест тапсырмалары әзірленді. Базадағы тест тапсырмаларының жалпы саны 176 000-ды құрайды. Тест тапсырмаларының базасы мектеп пәндерiнiң қаншалықты сұранысқа ие екендiгiне байланысты жаңартылады. 2009-2013 жылдары тапсырылған тестілеу сараптамасы бойынша түлектердің физика, биология мен география пәндерiн ең көп таңдайтыны белгілі болды»,- дедi Аслан Сәрiнжіпов.
«Біз жыл сайын қолданылатын 50 мың сауалдың 14 мыңын жаңарттық. Жыл сайын аппеляцияның жұмыс істейтіні белгілі. Барлық комиссия ақпаратты жинап Білім және ғылым министрлігіне жолдайды. Біз оны сараптай келіп, жыл сайынғы сауалдарға өзгеріс енгіземіз. Дұрыс құрастырылмау себебінен кей кездері жарты пайыздық деңгейде сауалдарға өзгерістер енгізіледі. Бұл менің ойымша, өте төмен көрсеткіш. Биылғы сауалдар сапалы құрылғанына сенімдімін», – деді ол.
Екінші маусымда басталғалы тұрған тестілеудің биылғы форматы өзгеріссіз қалған. 2-9 маусым аралығында 155 арнайы жабдықталған пунктте тестілеу өткізіледі.
«ҰБТ-ға қатысу ерікті. Ағымдағы жылы 133 226 мектеп бітірушінің 92 077-сі қатысады, оның ішінде 63 603 қазақ тілінде, 28474 орыс тілінде»,- деді ҚР Білім және ғылым министрі.
107 ҰБТ өткізу пункт аудан орталықтарының мектептерінде, 48-і облыстық, Астана және Алматы қалаларының жоғары оқу орындарының мекемелерінде орналасқан. Тестілеуге қатысушылардың қауіпсіздік шараларын қамтамасыз ету мақсатында және ҰБТӨП-те ҰБТ-ны объективті және ашық өткізу үшін дәстүрлі түрде барлық жерде техникалық құралдарды: 1108 ұялы телефон дыбысын тұншықтырғыш, 402 металл іздегіш және 1585 камера мен бейне бақылауды қолдану жоспарлануда.
Ұлттық бірыңғай тестілеу елімізде 2004 жылы енгізілген. Осы 10 жыл ішінде ҰБТ-ға 1 миллион 335 мың мектеп бітіруші қатысқан.

Kazbilim.kz

ОҚИ ОТЫРЫҢЫЗДАР

  • Жаңа әліпби: Емле ережелеріндегі ескерілер кемшіліктер

    Жаңа әліпби: Емле ережелеріндегі ескерілер кемшіліктер

    2018 жылғы 6 желтоқсанда Қазақ тілі әліпбиін латын графикасына көшіру жөніндегі ұлттық комиссия мақұлдаған Жаңа әліпби негізіндегі қазақ тілі емлесінің ережелері тағы бір қайтара саралану, олқылықтары болса жөнделу мақсатында республикалық басты басылым Егемен Қазақстан газетінің 2019 жылғы 11-санында жарияланды. А.Байтұрсынұлы атындағы Тіл білімі институтының директоры профессор Е.Қажыбек: «Жаңа әліпби негіздегі емле ережелеріне қоғам мүшелері бей-жай

  • Америка мектептері балаларды қалай тәрбиелейді?

    Америка мектептері балаларды қалай тәрбиелейді?

    Екі жыл Америкада оқыдым. Бостон қаласында тұрдық. Ұлым Алаш Америкада бірінші сыныпқа барды. Қарапайым мемлекеттік мектеп.  Баламды бір жыл бойы бақылап, мектеп бағдарламасын зерделеп, мұғалімдермен сөйлесіп, ата-аналармен араласып, күліп жүретін, өз бағасын білетін, өз-өздеріне сенімді, қоғамдағы мәселелерге бейжай қарамайтын ұрпақты қалай тәрбиелейтінінің сырын түсінгім келді. Бір жыл бойғы зерттеу нәтижесінде мынадай ой түйдім.  Американың орта

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog