|  | 

Жаңалық

Ақтөбелік оқушылар әкімнің үйінде оқып жүр

Ақтөбе облысында балалар әкімнің ескі үйі мен ауыл клубында оқуға мәжбүр. Дәріс өтті деген аты болмаса, бір тоқсан бойы жөнді сабақ та болмаған. Себебі уақытша деп берілген ғимараттардың шұрық тесік төбесінен жаңбыр жауса су сорғалайды. Оқушылардың бұлай сандалуына тұрғындар шенеуніктердің салғырттығын кіналауда. Бірақ мұны жергілікті атқамінерлер мойындар емес.
Ырғыз ауданына қарасты Құрылыс ауылындағы мектеп қыркүйекте оқушыларды қабылдағанмен қазір мұнда сабақ оқуға ешкім келмейді. Өйткені жөндеу жұмыстары қызып жатыр. Ал балалар ойнайтын аулада бұзаулар жайылып жүр. Шенеуніктер жаз бойы тендер жарияламай, жақында ғана мектепке жөндеу жұмыстарын істеу керектігі естеріне түсіпті.
Құрылыс ауылы балаларының жартысы қазір мына мәдениет үйінде оқып жатыр.Оқушылардың сабақта болғанынан, демалған күндері көп. Себебі жаңбыр жауса шұрық тесік төбеден су сорғалап, бөлмелерді алып кетеді. Қазір ылғалдан қабырғалары түсіп, едені көтеріліп кеткен.

Толқын Табиқызы, оқушы:
-Жаңбыр кезінде болмайды. Таратып жіберді. Кең кластар салқын болады көбінесе. Кішкентай балалар тоңамыз. Салқын.

Бұл мектепте тек екі-ақ сыныптың ғана сабағы үзілмейді. Бірі ұлттық біріңғай сынаққа әзірленіп жатса, екіншілері әріпті жаңа үйренуде.
Бұрын бұл үйде ауыл әкімі тұрған. Мектепте жөндеу жұмыстары басталғалы бері оқушылар оқитын орын табылмағандықтан ол баспанасын босатып беріпті. Енді мұнда 11-сынып оқушылары мен меткпеке даярлық тобының бүлдіршіндері сабақ оқуда.
Ауданның басшылары да балалардың қандай жағдайда сабақ оқып жатқандығынан хабардар. Тек олар жөндеуге қазынадан ақша бөлінгендігіне шүкіршілік етіп отыр. Сондықтан оқушылардың шыдамдылығын шыңдағысы келеді.

Мейірхан Дуанбеков, Ырғыз ауданының әкімі:
— Енді қай жаққа барып оқытасың қазір енді? Басқа жерге оқытатын жер жоқ қой. Енді бір тоқсан қысылады. Бірақ біз осылай болатындығын білдік қой. Анау мектеп жөндеуден өту керек.

Ауыл тұрғындары жөндеу жұмыстарына көңілдері толмайтынын айтады. Себебі жанталасқан құрылысшылар сапасына мән бермейтін көрінеді. Тіпті, қырық жыл бойы жаңартылмаған жылу құбырларын ауыстырмай сол қалпы қалдырған.

Спартак Ысқақов, Құрылыс ауылының тұрғыны:
-Бала үшін алаңдаймыз бәріміз де. Ертең қиындық болады. Жаман айтпай жақсы жоқ құдай жар болсын қате шығуы мүмкін. Бұрынғы көне батареядан. Ол алмасқан жоқ. Бұрынғыматериалды салған.

Құрылыстағы бұл мектептің күрделі жөндеуіне бюджеттен 87 миллион теңге бөлінген. Енді мердігер компания оны екінші тоқсанның басына дейін бітіріп беруі тиіс.

baq.kz

ОҚИ ОТЫРЫҢЫЗДАР

  • Ауыл шаруашылығы министрлігі студенттерге білім грантын бөлетін болады

    Ауыл шаруашылығы министрлігі студенттерге білім грантын бөлетін болады

    ҚР Білім және ғылым министрлігінің ауыл шаруашылығы мамандықтары бойынша білім беру гранттарының көлемін анықтау жөніндегі функциялары Ауыл шаруашылығы министрлігіне беріледі. Бұл өзгерістер 2019 жылғы 28 қазанда Мемлекет басшысы қол қойған «Қазақстан Республикасының кейбір заңнамалық актілеріне агроөнеркәсіптік кешенді мемлекеттік реттеу мәселелері бойынша өзгерістер мен толықтыру енгізу туралы» заңына сәйкес жүзеге асырылады. «Қабылданған заң аясында ҚР Білім

  • Асхат Аймағамбетов білім саласындағы плагиатпен күресетін жүйе туралы айтты

    Асхат Аймағамбетов білім саласындағы плагиатпен күресетін жүйе туралы айтты

    ҚР Білім және ғылым министрі Асхат Аймағамбетов білім саласында плагиатпен күрес шаралары туралы түсінік берді. Академиялық адалдық, плагиат мәселесі көтерілді. Бұл мәселе бойынша да министрлік тиісті шешім қабылдауда. Turnitin деген ең үздік 15 мың университет қолданатын антиплагиаттық жүйе бар. Сол жүйеге біз биыл ұлттық жазылып, қолданудамыз. Біз нормативтік құжаттарға өгерістер енгіздік. Енді барлық курстық, дипломдық

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog