|  |  | 

Білім жарысы Жаңалық

Үздік оқытушылар анықталды

Кеше Нұр-Сұлтан қаласында Мәдениет және спорт министрлігі Тіл саясаты комитетінің құрылымдық мекемесі Ш.Шаяхметов атындағы «Тіл-Қазына» ұлттық ғылыми-практикалық орталығының ұйытқы болуымен Қазақстан Республикасында тілдерді дамыту мен қолданудың 2011-2019 жылдарға арналған мемлекеттік бағдарламасы аясында А.Байтұрсынұлы атындағы республикалық оқытушы-ұстаздар байқауы өткізілді.

Байқаудың алғашқы кезеңдері бұған дейін сатылы түрде барлық өңірлерде ұйым­дас­тырылып, осы сыннан сүрінбей өтіп, үздік деп танылған 15 оқытушы-ұстаз биыл екін­ші рет өткізіліп отырған республикалық сайыс­тың соңғы турына жолдама алған екен.

Жиналған көпшілікті бұл реткі байқау­дың маңызы жайлы хабардар еткен «Тіл-Қазына» ұлттық ғылыми-практикалық орталығының басшысы Әлібек Асқардың айтуына қара­ған­да, аталған байқаудың берері көп көрінеді. Нақ­тырақ айтсақ, қазақ тілін оқытудың инновациялық әдіс-тәсілдерін анықтау, оқытушылардың кәсіби біліктілігін арттыру, өзара тәжірибе алмасу, ересектерге қазақ тілінен сабақ берудің тың әдістемесін жүйелеу, сондай-ақ өңірде жеңімпаз атанып республикалық байқауға қатысып жатқан қазақ тілі оқы­ту­­шыларының сабақ берудегі озық үлгі­лерін насихаттау екен.

«Аталған шараны өткізудегі мақсат – қазақ тіл білімінің атасы А.Бай­тұр­сын­ұлының еңбектеріндегі ғылыми-педа­гогикалық сабақтастықты жал­ғастыру; қазақ тілінің мемлекеттік тіл ретіндегі қол­даныс аясын кеңейту; қазақ тілі жанашырлары мен мамандар арасындағы үздіктерді анықтап, олардың тіл оқытудағы жаңашыл әдіс-тәсілдерін кең көлемде тарату» дейді қазылар алқасының төрағасы, филология ғылымдарының докторы Шерубай Құрманбайұлы.

Өйткені қазақ тіл білімінің қайнар бұла­ғы осы Байтұрсынұлынан басталады. Ғалым­ның қазақ тілін меңгертудегі әдістемесі бүгінгі ұрпаққа баға жетпес мұра. Ұлы ұстаз еңбек­тері бүгінге дейін әдістемелік және тіл­та­нымдық тұрғыдан өз мәнін жойған жоқ.

Сонымен ұлы ғалым атындағы сайыс үш кезеңге жіктеліпті. Оның алғашқысы – қа­тысушы өз күшімен дайындаған оқу мате­риал­дары мен жетіс­тіктері жайлы бейне таныс­ты­ры­лымын көрсетсе, екінші кезең – педаго­гикалық-психологиялық жағ­дай­ларға байланысты тапсырма орын­дау, үшінші кезең – 20-25 минут көле­мінде сабақ беру үлгісін көрсету.

Бір қуанарлығы, жоғарыдағы рет бойынша өздерінің білімі мен тәжіри­бесін ортаға салып, сайысқан ма­ман­­дардың дені 90-жылдары өмір­ге келген жастар екен.

Атам қазақ «жас келсе – іске» деген­дей, аймақ­тан келіп, елорда төрінде білімі мен тәжірибесін жарыстырған қа­ты­су­шылар арасынан қостанайлық ұстаз, Рудный қалалық тілдерді оқыту орталы­ғы­ның қызметкері Жанат Досы­бае­ва бас жүлдені жеңіп алса, І, ІІ, ІІІ орындар­ға – астаналық оқытушы, Руха­­ният орталығының бөлім басшысы Еркебұлан Ерболатұлы, Қарағанды облы­сы Тілдерді оқыту орталы­ғы­ның ұста­зы Мұни­ра Ағымбаева, Шығыс Қа­зақстан облысы лингвистикалық ор­та­­­лы­­ғы­ның маманы Әсем Мамы­ра­но­ва ие болды. Сондай-ақ қызыл­ор­да­лық ұстаз Әсел Бақытова, жам­был­дық Ақбота Тұрсынбекова және Шымкент қа­­ласынан келген тіл маманы Айсұлу Оспановаға ынталандыру сыйлығы бұйырды.

ОҚИ ОТЫРЫҢЫЗДАР

  • Ауыл шаруашылығы министрлігі студенттерге білім грантын бөлетін болады

    Ауыл шаруашылығы министрлігі студенттерге білім грантын бөлетін болады

    ҚР Білім және ғылым министрлігінің ауыл шаруашылығы мамандықтары бойынша білім беру гранттарының көлемін анықтау жөніндегі функциялары Ауыл шаруашылығы министрлігіне беріледі. Бұл өзгерістер 2019 жылғы 28 қазанда Мемлекет басшысы қол қойған «Қазақстан Республикасының кейбір заңнамалық актілеріне агроөнеркәсіптік кешенді мемлекеттік реттеу мәселелері бойынша өзгерістер мен толықтыру енгізу туралы» заңына сәйкес жүзеге асырылады. «Қабылданған заң аясында ҚР Білім

  • Асхат Аймағамбетов білім саласындағы плагиатпен күресетін жүйе туралы айтты

    Асхат Аймағамбетов білім саласындағы плагиатпен күресетін жүйе туралы айтты

    ҚР Білім және ғылым министрі Асхат Аймағамбетов білім саласында плагиатпен күрес шаралары туралы түсінік берді. Академиялық адалдық, плагиат мәселесі көтерілді. Бұл мәселе бойынша да министрлік тиісті шешім қабылдауда. Turnitin деген ең үздік 15 мың университет қолданатын антиплагиаттық жүйе бар. Сол жүйеге біз биыл ұлттық жазылып, қолданудамыз. Біз нормативтік құжаттарға өгерістер енгіздік. Енді барлық курстық, дипломдық

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog