|  | 

Керекті кеңес

Педагог мәртебесі туралы заңның орындалуы қазақстандықтарға тікелей байланысты — сарапшы

Қазақстан білім және ғылым қызметкерлері кәсіподағы төрағасының кеңесшісі Майра Амантаева жаңадан қабылданған «Педагог мәртебесі туралы» заңына пікір білдірді.

Оның айтуынша, бұл заң халық, әсіресе білім саласы қызметкерлері көптен күткен шешімдердің бірі болатын. Қазақстан білім саласының кәсіподақтары да бірнеше рет педагогтердің мәртебесі, лайықты жалақысы мәселесін Үкімет мүшелерінің, депутаттардың алдына талай қойған.

«2019 жыл соңында Президентіміз осы заңға қол қойды және заң 10 күн өткен соң күшіне енеді. Әрине, бұл заң бірден мұғалімнің мәртебесін көтере салады деген сөз емес. Жалпы кез келген ҚР заңының орындалу-орындалмауы, өз дәрежесінде болуы Қазақстанның әрбір азаматының іс-әрекетіне байланысты. Екіншіден, мұғалімнің сол заңды қалай қолдануына байланысты болмақ. Ата-аналар қауымы, жергілікті атқару билігі, партиялар мен қоғамдық ұйымдар ұстаз мәртебесін көтерілуі – ел мәртебесінің көтерілуі деп қараса, әрине заң өз нәтижесін береді», — деді М. Амантаева ҚазАқпарат тілшісіне берген сұхбатында.

Аталған заң бойынша, 2020-шы жылы жалақыны 25 пайызға арттырып, 4 жылда еңбекақыны екі есе көбейту жоспарланған.

«Кәсіподақ көшбасшысы ретінде мұғалімдер жалақысын жылма-жыл көтеру мәселесін біңрнеше жылдан бері көтеріп келдік. Енді алдағы 4 жылда еңбекақыны кезең-кезеңімен екі есе арттыру ұсынысы көкейге қонады. Заңдағы тағы бір жаңалық – педагогтердің біліктілік санаты үшін 30-50 пайыз үстемеақы төлеу, оларды өз міндетіне жатпайтын жұмыстардан қорғау. Жасырын емес, елімізде болып жатқан көптеген жиындарға, сайлауға әр уақытта мұғалімдер жұмсалатын. Сондықтан, мұғалімдер театрларды толтыру, коцерттік залды толтыру, көше сыпырудан арылды. Бұл бап бұрынғы заңда да бар еді, бірақ мұғалімді міндетінен тыс жұмысқа жеккендерге жауапкершілік көрсетілмеген еді. Енді мұғалімді жұмсағысы келген билік өкілдеріне қолданатын шаралар заңда арнайы көрсетілген», — деді Майра Амантаева.

 

ОҚИ ОТЫРЫҢЫЗДАР

  • Мемлекет басшысы: Диплом сататын ЖОО мәселесі биыл шешіледі

    Мемлекет басшысы: Диплом сататын ЖОО мәселесі биыл шешіледі

    Мемлекет басшысы Қасым-Жомарт Тоқаев диплом сататын ЖОО-лар туралы айтты. «Біз мұғалімдердің жалақысын 25 пайызға көтердік. Министрлік білім беру бағдарламасарын жаңартумен, сондай-ақ ЖОО-лардың академиялық дербестігін арттырумен айналысуда. Бизнес пен жұртшылықпен диалог орнатылды. Енді Білім және ғылым министрі мен жергілікті атқарушы органдар осы міндеттерді дұрыс атқаруы тиіс. Қазіргі таңда елімізде білікті ұстаздардың тапшылығы айқын сезіліп отыр. Мамандардың

  • Асхат Аймағамбетов. Ұлттық ғылыми кеңес ережесі мен құрамы қайта қаралды.

    Асхат Аймағамбетов. Ұлттық ғылыми кеңес ережесі мен құрамы қайта қаралды.

    Дәстүр бойынша Жаңа жылдың басы өткен жылды қорытындылап, жаңа міндеттерді іске асыратын уақыт деп есептеймін. Мен ғылым саласы туралы әдейі көп жазған жоқпын, себебі бұл салада жиналып қалған мәселелер өте күрделі, әрі сан қырлы болғандықтан, қабылданатын шешімдерге де қарама-қайшы пікірлер мен көзқарастар әртүрлі болды. Сондықтан, министр лауазымына тағайындалған күннен бастап әрбір мәселені жеке-жеке де, басқа

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog