|  |  | 

Оқушы Үздік

Павлодарда 7-сынып оқушысы бес тіл меңгерген

Руслан Қуанов қазақ, ағылшын, қытай, орыс және француз тілін толық меңгерген.

Дарынды бала — белгілі бір қызметте, салада өзінің жарқын, айқын, керемет жетістіктерімен ерекшеленетін бала. Дәл осындай бала облыстық дарынды балаларға арналған көпсалалы лицей-интернатында оқиды, — деп хабарлады Павлодар облыстық білім басқармасы. – Жетінші «Б» сыныбының оқушысы Руслан Қуанов өзінің туабіткен қабілет-дарынының арқасында жастайынан шет тілдерін үйренуде жоғары нәтиже көрсеткен. Қазіргі уақытта Руслан бес тілді — қазақ, ағылшын, қытай, орыс және француз тілдерін жетік меңгеріп, жетілдіруде».

Ол бес жасында-ақ ағылшын тілін үйрене бастаған. Бүгінде кез келген тақырыпта еркін сөйлесуге мүмкіндік беретін Upper-Intermediate деңгейін иегерген, деп атап өтті облыстық білім беру басқармасы.

«Алты жасынан бастап Руслан қытай тілін үйренуге қызығушылық танытқан және қазір төртінші деңгейге жетті. Қытай тілін үйренуге деген құштарлығының арқасында Руслан Қытайға екі рет барып келген. Қытай тілін үйрену қызық болғаны сонша, ол 2014 жылы алғаш рет Үрімші қаласына турист болып барды, — деп атап өтті басқарма. — Ал 2015 жылы ол Циндао қаласына тіл үйренудегі машығын дамыту үшін сапар шеккен. Руслан облыстық қытай тілі олимпиадасында екі рет жоғары нәтиже көрсеткен».

Тілді жақсы білуі Русланға Жоғары лига құрамында олимпиадаға қатысуға мүмкіндік берді. Оқушы жоғары сынып оқушыларымен тең дәрежеде екінші және үшінші орындарды иеленді. Павлодар облыстық дарынды балаларға арналған көпсалалы мектеп-интернат студенттер арасындағы қытай тілі олимпиадасының бастамашысы болды.

«Русланның дарыны тек тіл үйренуде ғана көрінбейді, ол сонымен қатар математика және химия сияқты нақты ғылымдарға да қызығушылық танытады. Бұл пәндерге деген құштарлығы оны біраз жетістіктерге жеткізген. Төртінші сыныптан бастап «Зерде» ғылыми жобалар байқауына қатысып, жүлделі бірінші, екінші орындарға ие болды. Ол өз жұмысында шет тілдерін үйренудің маңызы туралы мәселе көтерді және бұл тек бастамасы ғана» делінген хабарламада.

Кейін сол жарыста, бірақ қолданбалы математика бағытында ол «Графика көмегімен есептерді шешу» жобасымен екінші орын алды. Р.Қуанов жаратылыстану-математика пәндері бойынша өз білімін көрсетті, ол бесінші-алтыншы сынып оқушылары арасында өткен облыстық олимпиадада бірінші және екінші орындарды иеленген.

«Жоғарыда аталған барлық жетістіктері үшін Руслан Қуановтың есімі «Білім саласындағы үздіктер» атты үлкен халықаралық энциклопедияға енген. Бұл энциклопедияға ТМД барлық аймақтарынан келген оқушылар мен ұстаздардың есімдері кірген. Редакциясы Мәскеуде орналасқан», — деп атап өтті білім басқармасы.

ОҚИ ОТЫРЫҢЫЗДАР

  • Қарағанды облысында «Жыл мұғалімі» анықталды

    Қарағанды облысында «Жыл мұғалімі» анықталды

    Қарағандыда «Жыл мұғалімі» облыстық байқауының жеңімпаздары марапатталды. Өңір әкімінің ресми сайтындағы ақпаратқа сәйкес, байқауға қатысуға облыс бойынша барлығы 34 педагогтан өтінім түскен. Олардың 12-сі ғана финалға өтті. «Жыл мұғалімі» байқауы үш кезеңнен тұрды. Біріншісі аудандар мен қалалар деңгейінде өтті. Келесі кезең — «Мұрагер» облыстық мамандандырылған мектеп-интернатында, «Дарын» мектеп-интернатында және № 93 гимназияда сабақтар мен сыныптан

  • Елбасы қорында Қазақстанның үздік оқушылары марапатталды

    Елбасы қорында Қазақстанның үздік оқушылары марапатталды

    Бүгін Назарбаев орталығында ҚР Тұңғыш Президенті — Елбасы қорының «Ел үміті» жобасының белсенді қатысушылары — республикалық және халықаралық олимпиадалардың жеңімпаздарына құрмет көрсетілді. «Ел үміті» — Қазақстанның Тұңғыш Президенті Нұрсұлтан Назарбаевтың бастамасымен қолға алынған қордың жаңа жобасы. Жоба еліміздің дарынды балалары мен жастарын іздеп-тауып, оларды қолдап, ғылыми және шығармашылық белсенділігін ынталандыруға бағытталған. «Ел мақтанышы» сыйлығы аталған

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog