|  |  |  | 

Жаңалық Оқушы Үздік

Жыр жаттаудан жеңімпаз атанған оқушы 1 млн теңге жеңіп алды

Шымкентте «Qazaq Epos» республикалық ағарту жобасының «Тұлпар мініп, ту алған!» байқауы ұйымдастырылып, оқушылар жыр жаттаудан жарысты. Байқауға 116 мектептен мыңнан аса оқушы мен 600-ден аса мұғалім қатысып, 12 бала ақтық кезеңге өтті. Руханият додасы республика бойынша 6-10-сынып оқушыларының арасында өтті. Байқау аясында қатысушылар 132 бет — 5206 жолдан тұратын «Қобыланды батыр» жырының Марабай жырау нұсқасын жатқа айтып, жырдың ішіндегі көнерген және тарихи сөздердің мағынасын ашуға тырысты. Сондай-ақ, қазақ тілі мен әдебиеті оқулығы бойынша әзірленген сұрақтарға жауап берді. Жиында сөз алған «Qazaq Epos» республикалық ағарту жобасының жетекшілері алдағы уақытта мұндай рухани шаралар өз жалғасын табатынын жеткізді.

Байқау қорытындысымен қалалық кезеңде 1-орынды Салтанат Мақсұт жеңіп алып, оған 1 млн теңге тапсырылды. Жетекшісі Айгүл Әбдіматоваға 2 млн теңге табысталды.

Ал, 2-орынды Қарақат Қонарбаева иеленіп, оған да 600 мың теңге берілді. Жетекшісі Құрбанкүл Күлбековаға 1 млн 200 мың теңгенің сертификаты тапсырылды.

3-орын алған Әсел Әбдікер 300 мың теңге, жетекшісі Бибайша Садықова 600 мың теңге иелік етті. Оған қоса жеңімпаздар Шымкент қаласы әкімінің арнайы дипломымен марапатталды. Сайыста жүзден жүйрік, мыңнан тұлпар атанған оқушылар мен олардың ұстаздарын бүгін қала әкімі Ерлан Айтаханов марапаттады.

«Елбасының «Рухани жаңғыру» бағдарламасы бізге серпін берді. Оның бір дәлелі — «Қобыланды батыр» жырын жатқа айту бойынша ұйымдастырылған – байқау. Ұрпақ тәрбиелеуде батырлар жырын оқыту, оны қайта жаңғырту игі бастама деп білемін. Біз атадан қалған сырлы сөздер мен бай мұрамыз арқылы жаңғырамыз. «Тұлпар мініп, ту алған!» секілді жобалар негізінде бойына баға жетпес руханият сіңірген, ұлттық рухы мықты ұрпақ өсетініне бек сенімдімін», — деді Ерлан Айтаханов.

 

ОҚИ ОТЫРЫҢЫЗДАР

  • Асхат Аймағамбетов білім саласындағы плагиатпен күресетін жүйе туралы айтты

    Асхат Аймағамбетов білім саласындағы плагиатпен күресетін жүйе туралы айтты

    ҚР Білім және ғылым министрі Асхат Аймағамбетов білім саласында плагиатпен күрес шаралары туралы түсінік берді. Академиялық адалдық, плагиат мәселесі көтерілді. Бұл мәселе бойынша да министрлік тиісті шешім қабылдауда. Turnitin деген ең үздік 15 мың университет қолданатын антиплагиаттық жүйе бар. Сол жүйеге біз биыл ұлттық жазылып, қолданудамыз. Біз нормативтік құжаттарға өгерістер енгіздік. Енді барлық курстық, дипломдық

  • Білім министрі жаңа әліпбиде жазылған оқулықтар қашан шығарылатынын айтты

    Білім министрі жаңа әліпбиде жазылған оқулықтар қашан шығарылатынын айтты

    ҚР Білім және ғылым министрі Асхат Аймағамбетов білім саласында қазақ тілі әліпбиін латын графикасына көшіру үрдісі туралы түсініктеме берді. Қанатқақты жобаның мақсаты тиісті нәтиже алуға негізделген. Қазіргі кезде Мәдениет министрлігіне осы бағытта пысықтау шараларын жүргізу туралы тапсырма берілді. Яғни ережелер бекітілгеннен кейін, біз қажетті жұмыстарды іске асырамыз», — деп тоқталды министр. Осы орайда латын графикасындағы

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog